तीन हाइड्रो कम्पनीको शेयरमूल्यमा उच्च गिरावट, शेयरमूल्य कति ?

६ असार, काठमाडौं । आइतबार शेयरबजारमा तीन हाइड्रो कम्पनीको शेयरमूल्यमा उच्च गिरावट आएको छ ।

यस दिन २ बजेको अवधिमा सीईडीबी हाइड्रोपावर, युनियन हाइड्रोपावर र पञ्चकन्या माई हाइड्रोपावरको शेयरमूल्यमा गिरावट आएको हो ।

ती तीन ओटा कम्पनीमध्ये सबैभन्दा बढी सीईडीबी हाइड्रोपावरको शेयरमूल्य अघिल्लो कारोबार दिनको तुलनामा ८ दशमलव शून्य ३ प्रतिशतले घटेको छ । कम्पनीको शेयरमूल्य प्रतिकित्ता ६३० मा झरेको हो ।

त्यसैगरी युनियन हाइड्रोपावरको शेयरमूल्य ७ दशमलव ४८ प्रतिशत र पञ्चकन्या माई हाइड्रोपावरको ४ दशमलव ७५ प्रतिशत घटेको हो ।

ती तीन ओटै कम्पनीको शेयरमा बजार घटेसँगै क्रेताभन्दा विक्रेता धेरै हावी भएकाले शेयरमूल्य घटेको हो । युनियन हाइड्रोपावरको शेयरमूल्य प्रतिकित्ता  ३९६ र पञ्चकन्या माई हाइड्रोपावरको  ३०० मा झरेको छ ।