नबिल बैंकको स्वामित्वमा रहेको स्वावलम्बन लघुवित्तको शेयर बिक्रीमा

६ असार, काठमाडौं । नबिल बैंकले आफ्नो स्वामित्वमा रहेको स्वावलम्बन लघुवित्तकोे संस्थापक शेयर आज (असार ६ गते) देखि लिलामी बिक्री खुला गरेको छ ।

बैंकले स्वावलम्बनको १ लाख ९० हजार ६५३ कित्ता संस्थापक शेयर बिक्रीमा राखेको हो । यसमा न्यूनतम ७५० रुपैयाँ भाउ राखेर आवेदन दिन सकिनेछ ।

लगानीकर्ताले यसलाई न्यूनतम मूल्य आधार मानेर सो वा सोभन्दा बढी मूल्य अंकित गरी बोलपत्र पेश गर्नुपर्नेछ । यसमा असार १५ गतेसम्म बोलपत्र पेश गर्न सकिनेछ ।

लगानीकर्ताले न्यूनतम १००० कित्ता र अधिकतम सम्पूर्ण कित्ताका लागि पनि आवेदन दिन सक्नेछन् । यसमा बिक्री प्रबन्धक नबिल इन्भेष्टमेन्ट बैंकिङ नारायणचौर नक्साल काठमाडौंबाट आवेदन दिन सकिनेछ ।