उपत्यकामा खुकुलो पारिएकाे निषेध आदेशमा के खुल्छ, के खुल्दैन ? [ सूचीसहित ]

६ असार, काठमाडौं । काठमाडौं उपत्यकामा पुनः थप एक साता निषेधाज्ञा थप गरिएको छ । आइतबार उपत्यकाका तीन प्रमुख जिल्ला अधिकारीहरूको बैठकले थप गरेको निषेधाज्ञामा अब भने, पसलहरु खोल्न पाइने भएको हो ।

यस्तै आज बसेको बैठकले निषेधाज्ञा अवधिमा मंगलबार र बिहीबार ११ देखि ४ बजेसम्म सुन, भाँडाकुडा, अटो मोबाइल, विद्युतीय सामग्री खोल्न दिइने निर्णय भएको छ । गएको वैशाख १६ गतेदेखि काठमाडौं उपत्यकामा जारी निषेध आदेश १४ असारसम्मलाई थपिएको छ।

केही खुकुलो पार्दै निषेध आदेशको समय थपिएको हो। काठमाडौं उपत्यकाका तीनै जिल्लाका सीडीओको बैठकले ७ असारसम्मका लागि जारी निषेध आदेश केही खुकुलो बनाउँदै थप गर्ने निर्णय गरेको हो।

बैठककाे निर्णय अनुसार १४ गतेसम्म निजी सवारीसाधन जोरिबिजोर नम्बरका आधारमा सञ्चालन गर्न दिइने छ। अर्थात् जोर गते जोर नम्बरका र बिजोर गते बिजोर नम्बर प्लेटका सवारीसाधन चलाउन पाइनेछ।

आइतबार, मंगलबार र बिहीबार सुनचाँदी, भाँडा, विद्युतीय र घरायसी सामान बिक्री गर्ने पसल, अटोमोबाइलका पार्टपुर्जाका पसल खोल्न पाइनेछ।

सोमबार, बुधबार र शुक्रबार सपिङ मल, खेलकुद सामानका पसल, कपडा, जुत्ता, फेन्सी, कस्मेटिक, गिफ्ट र टेलरिङ खुल्नेछन् भने खाद्यान्न र तरकारी पसल हरेक दिन खोल्न पाइनेछ।

थपिएको निषेध आदेशमा के खुल्छ, के खुल्दैन  [ सूचीसहित ]