मेलम्चीका बाढीपीडितलाई विश्व हिन्दू परिषद नेपालको सहयोग

६ असार, काठमाडौं । समग्र देश कोरोना महामारी प्रकोपसँग जुधिरहेकै अवस्थामा मेलम्चीबासी प्राकृतिक प्रकोपका कारण थप संकटमा परेका छन् । पानीका कारण सधैं चर्चामा आइरहने मेलम्ची यसपाली पानीकै कारण अकल्पनीय त्रासदीमा परेको छ ।

मेलम्ची नदीमा गत असार १ गते मंगलबार राति आएको बाढी बस्तीमा पस्दा दर्जनौं परिवार बेघरवार भएका छन् । बाढीले ठुलो जनधनको क्षती भएको छ । यस प्राकृति आपतका कारण समस्यामा परेका मेलम्चीबासीको सहायताका लागि विश्व हिन्दू परिषद नेपाल, एकल अभियान नेपाल एवं लायन्स क्लव अफ काठमाडौं, समर्पणले संयुक्तरूपमा राहत एवं उद्यार कार्य शुरु गरेको छ ।

विश्व हिन्दू परिषद नेपाल, एकल अभियान नेपाल एवं लायन्स क्लव अफ काठमाडौं समर्पणका संयुक्त राहत टोलीले शनिबार मेलम्चीका बाढीपीडितलाई सहयोग एवं राहत स्वरुप निम्न सामग्रीहरु उपलब्ध गराएको छ । थाल,गिलास र कचौरा १००÷१०० पीस, फ्राईपिन ५ पिस, कम्बल १०० पिस,प्रेसर कुकर २५ पिस, त्रिपाल १२२ पिस,ग्याँस चुल्हो ४८ पिस,छुलहा पाइप ४८ पिस,डिनर प्लेट ७२ पिस, थरमस ४८ पिस, कराई ८ पिस,रासन प्याकेट २०० पिस, रासन सामाग्रीहरु प्रति प्याकेट, चामल १० किलो, दाल २ किलो,तेल १ लिटर,चना २ किलो, सोयाबिन २०० ग्राम, चिउरा २ केजी,नुन १ पाकेट,बेसार १ पाकेट,मिक्स मसला १ प्याकेट,खुर्सानी १ प्याकेट,चाउचाउ १० प्याकेट,मच्छर धुप लगायतका समाग्री वितरण गरेको छ ।

आगामी चरणहरुमा थप सहयोग सामग्री उपलब्ध गराउन प्रयास गरिने विश्व हिन्दू परिषद नेपालका राष्ट्रिय संगठन सचिव प्रल्हाद कुमारले बताए ।