प्रहरी कार्यालयमा महिलामाथि कुटपिट गरेकाे अभियोगमा ज्वाला संग्रौलासहित ३ जना पक्राउ

६ असार, काठमाडाैं ।  सामाजिक अभियन्ताका नाममा विभिन्न घटनामा विवादित बनेकी ज्वाला संग्रौलालाई प्रहरीले पक्राउ गरेको छ।  महानगरीय प्रहरी वृत्त गौशालाभित्रै खुश्बु घिमिरेमाथि कुटपिट गरेको घटनाको अनुसन्धानका लागि संग्रौलालाई पक्राउ गरिएको हाे ।

प्रहरीका अनुसार संग्रौलासहित उनको समूहका हिमाल उपाध्याय र शर्मिला वाइबा पनि पक्राउ परेका छन्। खुश्बुको जाहेरीका आधारमा उनीहरूलाई पक्राउ गरिएको प्रहरीले जनाएकाे छ ।

संग्रौलाको समूहले अघिल्लो महिना महानगरीय ट्राफिक प्रहरी वृत्त महाराजगञ्जका प्रहरी सहायक निरीक्षक मणिकान्त झाथि रंगभेदी दूर्व्यवहार गरेका थिए। उक्त घटनाका विषयमा समेत छानविन हुने प्रहरीले जनाएको छ।

सो घटनाबारे मधेशी आयोगमा उजुरी परेको थियो। उक्त उजुरीमाथि आवश्यक कारबाही गर्न आयोगले प्रहरी महानिरीक्षकको सचिवालयमा फाइल पठाएको थियो।