हकप्रद निष्कासका लागि नारायणी डेभलपमेन्ट बैंकले धितोपत्र बोर्डमा दियो निवेदन

७ असार, काठमाडौं । नारायणी डेभलपमेन्ट बैंकले हकप्रद शेयर निष्कासनको लागि नेपाल धितोपत्र बोर्ड निवेदन दिएको छ । बैंकले शत प्रतिशत हकप्रद निष्कासन गर्न असार ४ गते बोर्डमा निवेदन दिएको हो ।

कम्पनीले हाल कायम चुक्तापूँजीको शत प्रतिशत अर्थात्  १३ करोड १२ लाख ३३ हजार ८०० बराबरको १३ लाख १२ हजार ३३८ कित्ता हकप्रद शेयर निष्कासन गर्न अनुमति मागेको हो ।

कम्पनीको गत माघमा सम्पन्न १९ औं वार्षिक साधारण सभाले उक्त हकप्रद निष्कासन गर्ने प्रस्ताव पारित गरेको हो । कम्पनीले १ बराबर १ को अनुपातमा हकप्रद निष्कासन गरेपछि चुक्तापूँजी  २६ करोड २४ लाख पुग्नेछ ।हकप्रद शेयर निष्कासन तथा बिक्री प्रबन्धकमा ग्लोबल आइएमई क्यापिटल रहेको छ ।