श्रमजीवी किसानलाई पेन्सनको ब्यवस्था गर्ने कांग्रेसकाे तयारीः डा. काेइराला
नेपालबहस संवाददाता
असार ७, २०७८ सोमबार १९:३५:१६
७ असार, झापा । अब ६५ बर्ष कटेका किसानले पेन्सन पाउने भएका छन् । ६५ बर्षसम्म कृषि पेशामा आवद्ध भई देशलाई खाद्यान्नमा आत्मनिर्भर बनाउने श्रमजीवी किसानलाई पेन्सनको ब्यवस्था गर्न लागिएको हो ।
नेपाली कांग्रेसका नेता डा. शेखर कोइरालाले भविष्यमा पेन्सन पाउने आशाले अहिलेको युवा पुस्ता पनि कृषि तथा पशुपालन क्षेत्रमा आकर्षित हुन सक्ने अनुमान गरेका छन् । किसान पेन्सनको ब्यवस्थामार्फत आम नेपाली किसानको हौसला बढाउँदै निरन्तर सम्मान गरिदै जाने उनले बताएका छन् ।
देशको द्रुततर विकाश गर्ने योजनाका खाका कोरिरहेका नेपाली कांग्रेसका प्रभावशाली नेता डा. कोइरालाले युवाहरुलाई स्वरोजगार बनाउने अति उत्तम बिकल्प भनेको कृषि क्षेत्र नै रहेको बताएका हुन् ।
नेपाल अहिले पनि कृषि प्रधान देश नै रहेको भन्दै नेपाली कांग्रेसका भावी सभापतिका दाबेदार समेत रहेका नेता डा. कोइरालाले कृषि क्षेत्रको चौतर्फी विकास गर्न सके लाखौं युवाहरुलाई कृषिमा निर्भर बनाउँदै स्वरोजगार बनाउन सकिने समेत बताएका छन् ।
कृषि र पशुपालन ब्यवसायलाई ब्यवस्थित गर्न सके लाखौं नेपालीले स्वदेशमै दिगो रुपमा आर्थिक आम्दानी गर्न सक्ने बनाउन समय नलाग्ने बताउँदै डा. शेखरले हिमाल र पहाडमा पशुपालन अनि तराईमा उन्नत कृषि प्रणालीमा जोड दिदै नेपाली युवाहरुलाई कृषि र पशुपालन क्षेत्रमा आवद्ध गराउँदै ६५ बर्ष काटेका सम्पूर्ण किसानलाई पेन्सनको ब्यवस्था गर्न सकिने नयाँ अबधारणा अघि सारेका हुन् ।
तथ्यांकगत आधारमा हेर्दा
कृषि पेशलाई ब्यवसायीकरण गर्दै युवाहरुलाई कृषि र पशुपालन ब्यवसायमा आकर्षित गर्न आवश्यक पर्ने आर्थिक स्राेत जुटाउन देशमा स्थापित सहकारी संस्थाहरुसँग सरकारले सहकार्य गर्न सक्ने बताएका छन् ।
अहिले पनि देशमा क्रियाशिल सहकारी संस्थाहरुले कृषि तथा पशुपालनको क्षेत्रमा अत्यधिक रकम लगानी गरिरहेको र नागरिकहरुलाई तालिम र प्राबिधिक सहयोग पुर्याइरहेकोमा सहकारी संस्थाहरुको मुक्तकण्ठले प्रशंसा र उक्त कार्यको सह्राना गर्दै यसमा सरकारले बिना धितो ऋण लगानी र उत्पादित सामाग्रीको बजारको ग्यारेण्टी गरिदिने हो भने सहकारी संस्थाको पूँजी पनि नबिग्रने र युवा जनशक्ति पनि पूर्ण सुरक्षा र दृढ बिश्वासका साथ कृषि ब्यवसायमा लाग्ने आफुले अनुमान गरेको बताउँदै डा. शेखर भन्छन्, यसका लागि आफुले सोही अनुरुपमा योजना समेत बनाई रहेको छु ।
हिमाल, पहाड र तराईको उत्पादनलाई स्वदेश तथा बिदेशमा बजारीकरण गर्न मात्रै सक्ने हो भने पनि नेपालको आर्थिक क्षेत्र छिट्टै माथि उठाउन सकिने विश्वास लिएका कांग्रेसका केन्द्रीय सदस्य समेत रहेका डा. कोइरालाले यसका लागि आम नागरिकले विश्वास गर्न सक्ने संयन्त्र बनाउनु पर्ने आफुलाई लागेको बताएका छन् ।
जनताको बिश्वास र भरोषा अनि जनताको सहभागिता बिनाका योजना तथा आयोजनामा जनताले अपनत्व नस्वीकार्ने बताउँदै नेता डा. कोईराला भन्छन्, जनताका घर आँगनमा गएर कहाँ ? कसरी ? र कस्ताे ? मेकानिजम बनाउदा बढी प्रभावकारी हुन्छ भनेर आफुले कृषि बिज्ञहरुसँग पनि छलफल गरिरहेको छु।
नेपाली कांग्रेसप्रति नेपाली जनताको भरोषा र विश्वासमा अहिले पनि कुनै कमी नआएको आफुले बिभिन्न हिमाल, पहाड र तराई मधेशका जिल्लाहरु र बिकट गाउँहरुको भ्रमणका क्रममा जानकारी प्राप्त गरेको बताउँदै नेता कोइरालाले अब पनि नेपाली कांग्रेस जनताका पक्षमा जिम्मेवार र ईमान्दार नबन्ने हो भने नेपाली जनताले नेपाली कांग्रेसलाई कहिल्यै मत नदिने आफुले जिल्ला तथा गाउँ भ्रमणका क्रममा जनताका अभिमतबाट अनुभव गरिरहेको भन्दै चिन्ता समेत ब्यक्त गरेका छन् ।
नेपाली जनता जहिले पनि ईमान्दार राजनीतिज्ञहरुको अपेक्षा गर्ने तर जुनसुकै पार्टीको सरकार बने पनि जनताको पक्षमा भन्दा ठेकेदार र गुण्डा नाईकेहरुका डरमा र चन्दादाता ब्यापारीहरुका करमा काम गर्नु पर्ने अवस्था सृजना हुनुले जनतामा राजनीतिक दलहरुप्रतिको विश्वासमा कमी आउन र बितृष्णा बढदै जान थालेको प्रति चिन्ता ब्यक्त गर्दै अबको नेपाली कांग्रेसको चौधौ महाधिवेशनले नयाँ र नेपाली जनताप्रति ईमान्दार नेतृत्व आउनेमा आफु विश्वस्त रहेको बताएका छन् ।
देशका ७७ वटै जिल्लामा गठन भएको नेपाल किसान संघ बर्षौदेखि अहिलेसम्म आफ्नाे महाधिवेशन समेत गर्न नसकी निस्कृय अवस्थामा रहेको तर्फ चिन्ता ब्यक्त गर्दै कोइरालाले देशको कृषि क्रान्तिका लागि अब नेपाल किसान संघलाई जिल्ला, प्रदेश, क्षेत्र र गाउँ स्तरसम्म क्रियाशिल बनाईने समेत बताएका छन् ।
यसबाट सहकारी संस्थाहरु नेपाली जनताका घरघरमा पुग्ने र हरेक नेपाली किसान सहकारी संस्थाका सदस्य बन्ने नयाँ बाटो खुल्ने र नेपालको सहकारी आन्दोलनले समेत सार्थकता पाउने बताएका छन् । आफु नेपाली कांग्रेसको सभापति बन्ने पक्कापक्की झै देखिएका डा. कोइराला अहिले पनि नेपालको, कृषि, शिक्षा, स्वास्थ्य, वातावरण, सुरक्षा र रोजगारका बिषयमा कसरी छिटो र छरितो तरिकाले नेपाली जनताले अनुभव गर्न सक्ने कार्यक्रम बनाउने भनेर बिषयगत बिज्ञहरुसँगको छलफलमा समेत रहने गरेका छन् ।
विगत बर्षहरुको देश दौदाहाबाट नेपाली जनताको चाहना र भावना बटुलेका डा. कोइरालाले अब पार्टीको सभापति बने लगत्तै बिभिन्न कार्यक्रमहरु सहित पुनः जनताका आँगनमा जाने र उक्त कार्यक्रमहरुलाई कार्यान्वयन गराउन जनताकै साथ जनताकै बिकासको कार्यक्रम बनाउने तयारीमा रहेका छन् । यज्ञप्रसाद भट्टराईबाट
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपखडेरीले मकै सुक्न थालेपछि नारायणी लिफ्टबाट पानी छाडियो
बैशाख १३, २०८१ बिहिबार
कालीकोट जिल्लाकै नमूना स्याउ फोइमहादेवमा
बैशाख १३, २०८१ बिहिबार
आजदेखि चिया निर्यातमा भारतीय अवरोध हट्यो
बैशाख १२, २०८१ बुधबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
बागमती प्रदेशसभा : हिउँदे अधिवेशनका ५७ दिनमा ६ बैठक मात्रै !
बैशाख १३, २०८१ बिहिबार
नारायणी नदीमा सशस्त्रको सेमुलेशन अभ्यास सम्पन्न
बैशाख १३, २०८१ बिहिबार
बजारमा निम्न गुणस्तरको वाई वाई चाउचाउ, महानगरले चौधरी ग्रुपलाई तिरायो २ लाख
बैशाख १३, २०८१ बिहिबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार