ज्वाला संग्रौलालाई अनुसन्धानका लागि तीन दिन म्याद थप

७ असार, काठमाडौं । ज्वाला सङ्ग्रौलासहित तीन जनालाई तीन दिन हिरासतमा राखेर अनुसन्धान गर्न जिल्ला प्रशासन कार्यालय काठमाडौंले म्याद थप गरिदिएको छ।

अभद्र व्यवहारको आरोपमा पक्राउ परेकी आफूलाई सामाजिक अभियन्ता दाबी गर्ने ज्वाला सङ्ग्रौला, हिमाल उपाध्याय र शर्मिला वाइबालाई प्रहरीले आइतबार काठमाडौंबाट पक्राउ गरेको थियो।

खुश्बु घिमिरेलाई अभद्र व्यवहार गरेको आरोपमा उनीहरु पक्राउ परेका थिए। सोमबार जिल्ला अदालत काठमाडौंमा लगेर प्रहरीले अनुसन्धानका लागि म्याद थप गराएको हो।

केही समयअघि सङ्ग्रौलाले प्रहरीमाथि नै रङ्गभेदी अभिव्यक्ति दिएकी थिइन्। उनीहरुविरुद्ध मधेसी आयोगमा गत बुधवार उजुरी परेको थियो।