एआईजीको दरबन्दी थप गरेसँगै प्रहरीको आगामी नेतृत्वमा एकल दावी कमजोर
नेपालबहस संवाददाता
असार ८, २०७८ मंगलबार १८:४१:१८
८ असार, काठमाडौं । सरकारले नेपाल प्रहरीमा प्रहरी अतिरिक्त महानिरीक्षक एक (एआईजी) को दरबन्दी थप गरेसँगै प्रहरीको आगामी नेतृत्वमा एकल दावी कमजोर बनेको छ । यही आर्थिक वर्षभित्रै थपिएको दरबन्दीमा एआईजी नियुक्त गर्ने तयारी भएपछि प्रहरीको आगामी नेतृत्वमा एकल दावी कमजोर बनेको हो ।
गृहमन्त्री खगराज अधिकारीको प्रस्तावमा नेपाल प्रहरीमा एक एआईजीको दरबन्दी थपिएको हो । यसमा गृहसचिव महेश्वर न्यौपानेले पनि चासो दिएको स्रोतको दावी छ । नेपाल प्रहरीमा हाल प्रशासनतर्फ एआईजीको तीनवटा मात्र दरबन्दी छ । महानगरीय प्रहरी कार्यालय, कार्य तथा अपराध अनुसन्धान विभाग, प्रशासन विभाग र नेपाल प्रहरी प्रशिक्षण प्रतिष्ठानमा एआईजीको दरबन्दी छ । अब नेपाल प्रहरीमा प्रशासनतर्फ एआईजीको दरबन्दी चारवटा हुनेछ ।
हालका प्रहरी महानिरीक्षक शैलेश थापा क्षेत्रीले नौ महिनापछि अवकाश पाउनेछन् । त्यो अवस्थामा विश्वराज पोखरेल महानिरीक्षकका एक्ला दाबेदार रहेका भएपनि दरबन्दी थप भएपछि महानिरीक्षक पदमा अब दुईजनाको स्वाभाविक प्रतिस्पर्धा हुनेछ । पद थपिएसँगै डीआईजी सहकुलबहादुर थापा र धीरजप्रताप सिंह यसका स्वाभाविक दावेदार हुन् । अन्य डीआईजीहरु पनि प्रतिस्पर्धामा रहेको भएपनि डीआईजीद्धय थापा र सिंह भने अग्रपंक्तिमा रहेका छन् ।
यसै आर्थिक वर्षभित्रै एआईजीमा बढुवा भएमा भावी आईजीपीका लागि प्रतिस्पर्धा गर्न सहज हुने भएकाले पनि डीआईजीबाट एआईजी हुन दुवै डीआईजीहरु लागेका छन् । ‘शुरुमा दरबन्दी पास गराउन दुवै जना लागेका हुन् अब एआईजी हुन पनि दुवै जना लाग्छन्, डीआईजीद्धय थापा र सिंहप्रति लक्षित गर्दै एक अधिकारीले भने । डीआईजी बढुवा हुँदा थापा एक नम्बर र सिंह दोस्रो नम्बरमा रहेका छन् । अब एआईजी हुने पनि उनीहरु मध्ये एक भएकाले दुवैको प्रतिस्पर्धा स्वाभाविक रहेको छ । अहिले प्रदेश २ बाट सीआईबीमा सिंहको सरुवा भएको छ भने थापा सीआईबीबाट प्रहरी प्रधान कार्यालयमा सरुवा भएका छन् । दुवैले पछिल्लो पटक राम्रो काम गरेको सरकारी मूल्यांकन रहेको छ ।
अबको नौ महिनापछि हुने प्रहरी महानिरीक्षकमा अब हुने एआईजी पनि प्रतिस्पर्धाका लागि योग्य हुनेछन् । हाल एआईजी विश्वराज पोखरेल त्यसको एकल दावेदार थिए । सरकारले एआईजीको दरबन्दी थपेसँगै अब एकल दावेदार रहेनन् । यसअघि सरकारले दरबन्दी थप गरेको नेपाल प्रहरीको एआईजीमा विश्वराज पोखरेलकाे एकल बढुवा भएकाे थियाे । गत मंसिरमा मन्त्रिपरिषद बैठकले नेपाल प्रहरीमा तीन एआईजीको दरबन्दीलाई चार बनाउदै पोखरेललाई एआईजी बनाएको थियो ।
उनलाई एआईजी बनाउन प्रतिनिधिसभाको राज्य व्यवस्था समिति समेत लागिपरेको थियो । तत्कालिन उपप्रधानमन्त्री ईश्वर पोखरेलका नातेदार भएकाले सरकारले पोखरेल नेपाल प्रहरीको प्रमुख बन्ने सहज बाटो खोल्नका लागि दरबन्दी थपेको भन्दै आलोचना समेत भएको थियो ।
एआईजीमा बढुवा गरेर भावी आईजीपीको एकल उम्मेदवार बनाउनका लागि सरकारले मंसिर पहिलो साता गृहमन्त्री थापालाई समेत थाहै नदिइ एआईजीको दरबन्दी थप गरेको थियो । पोखरेलसँगै उनको ब्याचका सहकुल थापा, धीरजप्रताप सिंह लगायत पनि महानिरीक्षकका लागि दाबेदार मानिएका भएपनि दरबन्दी नभएका कारण उनीहरु प्रतिस्पर्धाबाट आउट भएका थिए । तर सरकारले सोमबार दरबन्दी थप गरेर एकल प्रतिस्पर्धा हुनबाट रोकेको छ ।
यसअघि पोखरेल डीआईजीमा पनि एक्लै बढुवा भएका थिए । तत्कालीन रक्षामन्त्री ईश्वर पोखरेलकै दबाबमा १९ वैशाख २०७६ मा एसएसपीबाट पोखरेललाई डीआईजीमा बढुवा गरिएको थियो । त्यहाँ देखिनै उनलाई मात्रै आईजीपी बनाउन लागेको भन्दै सरकारको आलोचना भएको थियो । सोमबारको निर्णयबाट उनका लागि आईजीपीको बाटो सहज नबनेको प्रहरीभित्र चर्चा चलेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार