नेप्सेमा पुनः हरियाली छाएसँगै बजार पूँजीकरण ४० खर्ब ४८ अर्बमाथि पुग्याे

८ असार, काठमाडौं । असारको पहिलो साता क्रमश घटिरहेको नेपाल स्टक एक्सचेन्ज (नेप्से)ले आज ७९.४४ बिन्दुले उकालो लागेको छ । लगातार आरालो लागेर रेड सिग्नल दिई रहेकोको नेप्सेमा आज भने पुनः हरियाली छाएको छ ।

नेपाल स्टक एक्सचेञ्जका अनुसार मङ्गलबार नेप्से ७९.४४ बिन्दुले उकालो लागेर दुई हजार ९१३.८४ मा पुगेको छ । यस्तै, ठूला कम्पनीको शेयर कारोबार मापन गर्ने सेन्सेटिभ परिसूचक १६.१९ बिन्दुले बढेर ५३६.३४ मा पुगेको छ ।

नेप्सेका अनुसार कूल २२५ कम्पनीको एक करोड ९७ लाख ७० हजार ६३८ कित्ता शेयर रु १० अर्ब २८ करोड ६२ लाख ६९ हजार ९५७ मा खरिद बिक्री भएको छ । आजको कारोबारपछि बजार पूँजीकरण रु ४० खर्ब ४८ अर्ब दुई करोड ४४ लाख बराबर पुगेको छ ।

कारोवार भएका कूल १३ उपसमूहको नै शेयर मूल्यमा वृद्धि भएको छ । बैंकिङ ४४.१३, व्यापार २१.५४, होटल तथा पर्यटन १०९.९५, विकास बैंक २५१.३३, जलविद्युत् १५०.०१, वित्त १२७.६, निर्जीवन बीमा ३७५.२३, उत्पादन १६२.४१, अन्य ३४.८२, लघुवित्त ६४.९, जीवन बीमा ३८७.८५, सामूहिक लगानी कोष ४.५८ र लगानी उपसमूहको शेयर ४.५८ बिन्दुले उकालो लागेको छ ।

नेप्सेका अनुसार आज आठ वटा कम्पनीको शेयरमा सकारात्मक सर्किट लागेको छ । त्यसमा अधिकांश जलविद्युत् कम्पनी रहेका छन् । ङादी ग्रुप अफ पावर, पञ्चकन्या माई हाइड्रोपावर, बरुण हाइड्रोपावर, एचआइडिसिएल, जानकी फाइनान्स, अपि पावर कम्पनी लगायत १७५ कम्पनीकाे  शेयरमा उच्च मुल्य वृद्धि भएको छ । राधी विद्युत् कम्पनी ९.९९, जोशी हाइड्रोपावरको शेयरमा ९.९६ प्रतिशतको वृद्धि भएको छ ।

यस्तै, गोर्खाज फाइनान्स, ३.१७, एभरेष्ट इन्स्योरेन्स कम्पनीको संस्थापक शेयर ३.०५, एसबिएल डिवेञ्चर २, एनआइसि एशिया डिवेञ्चर १.९६ र कुमारी इक्विटी फण्डका लगानीकर्ताले १.४४ प्रतिशतले गुमाए ।

त्यस्तै नेपाल पुनर्बीमा कम्पनी, एचआइडीसीएल, नेशनल हाइड्राेपावर लगायतका कम्पनीहरूकाे शेयर काराेबार अत्यािधक मात्रामा भएकाे छ ।