अपि पावर कम्पनीको हकप्रदमा आवेदन दिने मिति थप, कहिलेसम्म आवेदन दिन सकिने ?

९ असार, काठमाडौं । साउन २० गतेदेखि विक्री खुला भएको अपि पावर कम्पनीको हकप्रद शेयरमा आवेदन दिने मिति थप भएको छ । उक्त हकप्रदमा अब असार १३ गतेसम्म आवेदन दिन सकिने भएको छ ।

कम्पनीले १०० अंकित दरको ५६ लाख ७० हजार कित्ता हकप्रद शेयर निष्कासन गरेको हो । हकप्रद शेयर प्रयोजनको लागि कम्पनीले गत वैशाख २९ गते बुक क्लोज गरिसकेको छ । सो आधारमा वैशाख २८ गतेसम्म कायम शेयरधनीले हकप्रद शेयरमा आवेदन गर्न सक्नेछन् ।

विक्री प्रबन्धकमा मुक्तिनाथ क्यापिटल लिमिटेड रहेको छ । उक्त हकप्रदमा अपि पावर कम्पनी ट्रेड टावर थापाथली तथा मुक्तिनाथ विकास बैंकको शाखा कार्यालयहरु इटहरी, पोखरा, नारायणगढ, सुर्खेत, नेपालगञ्ज, धनगढी र जनकपुरबाट आवेदन दिन सकिने कम्पनीले बताएको छ ।

मेरो शेयरबाट हकप्रदका लागि आवेदन दिन सकिने छ । कम्पनीले निष्कासन गरेको हकप्रद शेयरलाई केयर रेटिङ नेपालले केयर एनपी बी प्लस रेटिङ प्रदान गरेको छ । उक्त रेटिङले कम्पनीको वित्तीय दायित्व बहन गर्ने क्षमतामा जोखिम रहेको संकेत गर्दछ । यसअघि कम्पनीले ४७ प्रतिशत हकप्रद शेयर निष्कासन गरिसकेको छ ।