चुल्हो ननिभ्न मुसहरलाई राहत
नेपालबहस संवाददाता
असार ९, २०७८ बुधबार १७:८:५
९ असार, महोत्तरी । कोभिड–१९ महाव्याधिले काम गुमेर भोकै बस्नु पर्ने अवस्थामा पुगेका ४३ मुसहर परिवारले राहत पाएका छन् । गरिबी र अभावले कष्टकर जीवन बिताउँदै आएका जिल्लाको गौशाला नगरपालिका–४ मल्हनियाँपोखरीका ४३ परिवारलाई वैदेशिक रोजगारीमा अरब मुलुकमा रहेका युवाले ‘चुल्हो ननिभ्न’ राहत पठाएका हुन् । वैदेशिक रोजगारमा रहेका जिल्लाका ८० युवाले पठाएको रु दुई लाखबाट महोत्तरी टाइगर समाज सेवा टिम गौशालाले मङ्गलबार ४३ परिवार मुसहरलाई खाद्यान्न र सरसफाइका लागि अत्यावश्यक सामग्री वितरण गरेको हो ।
चामल–१५ किलो, दाल–२ किलो, आलु–५ किलो, खानेतेल–१ लिटर, नुन–१ किलो, तयारी खानेकुरा चिउरा–२ किलो र सरसफाइका लागि डिटोल साबुन–५ वटासहितको राहत सामग्रीको झोला ४३ परिवारले पाएका छन् ।
अहिले के खाउँ, भरे के खाउँला भन्ने चिन्ताले पिरोलिरहेका बेला यो सहयोगले पराले झुप्रामा आगो बाल्न पाइएको बस्तीकी इन्द्रा सादा मुसहरले बताए। असार पहिलो साताको झरीले पराले झुपा सबै चुहेर बिजोग खेपिरहेका बेला विदेशमै रहेर पनि आफूहरूलाई सम्झनेलाई बस्तीका मुसहरले आशिष दिएका छन् ।
“कोरोनाले हामी काममा निस्कन पाएका थिएनौँ, बालबच्चा भोकले रुँदै थिए”, बस्तीका रामस्वरूप सादाले भने, “हाम्रै घरआँगनमा वडा कार्यालय छ, कोही फर्केर सोध्न आएनन्, विदेशमा बस्नेले सम्झे, तिनको जय होस् ।” अहिले अप्ठ्यारोमा त्राण बचे बिस्तारै काममा निस्कन सहज हुने मुसहरले विश्वास पालेका छन् ।
कृषि मजदुरी गर्ने मुसहर धन सञ्चित गर्ने वा भोलि के खाने चिन्ता लिँदैनन् भन्ने तराईमा आम बुझाइ छ । अहिले र बढीमा आज साँझसम्मको खाना जोहो गरेर मुसहरको जिन्दगी चलेको मल्हनियाँपोखरीकै श्रीराम सुवेदी बताउँछन् । ‘कमाइ ल्यायो, भुटी खायो’ मुसहरका लागि तराईमा चलनचल्तीको आहान हो ।
संयुक्त अरब इमिरेट्स, कतार, कुवेतसहितका खाडी मुलुकमा कार्यरत जिल्लाकै ८० कामदारले आफ्नो छाक काटेर विपद्मा परेकालाई सहयोग गर्न रकम पठाइदिएका महोत्तरी टाइगर समाज सेवा टिम गौशालाका संयोजक धामी दिपेन्द्र महतोले बताए। प्राप्त रकमबाट जिल्लाका १०८ परिवारलाई प्रतिपरिवार रु दुई हजार बराबरको सामग्री नघट्ने गरी वितरण गर्न लागिएको महतोको भनाइ छ । अब ६५ परिवार गौशालाकै छिमेकका अन्य स्थानीयतहका बस्तीबाट छानेर राहत दिइने महतोले बताए। वैदेशिक रोजगारीमा रहेका सहयोगीले चुल्हो निभ्नै लागेकालाई पहिचान गरेर ‘चुल्हो ननिभ्ने’ अभियानका रूपमा सहयोग परिचालन गराइदिन अपिल गरेका टाइगर समाजले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउपचारका लागि आएका पुरुषको मलद्वारमा बोतल अड्किएको देखिएपछि...
बैशाख १०, २०८१ सोमबार
आगलागीमा घर जलेपछि दुई परिवारको बिचल्ली, लाखौँको क्षति
बैशाख १०, २०८१ सोमबार
ताप्लेजुङमा आगलागीबाट लाखौँको क्षति
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
झापामा जीपले मोटरसाइकललाई ठक्कर दिँदा तीन जनाको मृत्यु
बैशाख १२, २०८१ बुधबार
विहे घरमा आगलागी, २ जना घाइते
बैशाख १२, २०८१ बुधबार
डढेलोले म्याग्दीमा सात सय हेक्टर वन सखाप
बैशाख १२, २०८१ बुधबार
गोरखा भूकम्पको ९ वर्ष : विभिन्न सचेतनामूलक कार्यक्रम गरिँदै
बैशाख १२, २०८१ बुधबार
एशियन च्याम्पियन्स लिगबाट बाहिरियो अल हिलाल
बैशाख १२, २०८१ बुधबार
स्वरोजगार प्रवर्द्धन गर्न युवालाई तालिम
बैशाख १२, २०८१ बुधबार