धारा ७६ (५) मा ह्वीप लाग्दैन : वरिष्ठ अधिवक्ता यादव

९ असार, काठमाडौं । वरिष्ठ अधिवक्ता महादेव यादवले संविधानको धारा ७६(५) अन्तर्गतको प्रधानमन्त्री नियक्त हुन दलीय समर्थन नचाहिने धारणा राखेका छन् । संवैधानिक इजलासमा प्रतिनिधिसभा विघटनविरुद्धको मुद्दामा बहस गर्दै यादवले यस्तो बताएका हुन्।

प्रतिनिधिसभा सदस्य शेरबहादुर देउवाको पक्षबाट आज संवैधानिक इजलाशमा वहस गर्दै यादवले भने – संविधानको धारा ७६को उपधारा १,२ र ३ सम्म दलीय समर्थन आवश्यक हुने तर उपधारा ५ मा भने स्वतन्त्र रुपमा सांसद्हरुले स्वविवेक प्रयोग गर्न पाउने हो ।

नत्र यो धारा राख्नुको कुनै औचित्य नै छैन । साथै, यो धारा अन्तर्गत पार्टीगत ह्वीप पनि लाग्दैन । आज देउवाको पक्षमा पाँच जनाले वहस गर्दैछन् । यसअघि वरिष्ठ अधिवक्ताहरु गोबिन्द बन्दी र खम्बराज खातीले पनि वहस गरिसकेका छन् ।