गैडहवाः यशोधराको मन्दिर बनाइने, लुम्बिनीका पर्यटकलाई आकर्षण गरिने
नेपालबहस संवाददाता
असार ९, २०७८ बिहिबार ४:१८:२०
९ असार, बुटवल । रुपन्देहीको मधेशी समुदायको बाहुल्य भएको गैडहवा गाउँपालिकाले आज नीति कार्यक्रम र बजेट प्रस्तुत गरेको छ । नीति कार्यक्रम गाउँपालिकाका अध्यक्ष बच्चुलाल केवट र बजेट उपाध्यक्ष शोभावती यादवले प्रस्तुत गरेका छन् । नीति तथा कार्यक्रममा कृषि, शिक्षा, पर्यटन र रोजगारीलाई उच्च प्राथमिकता दिइएर बजेट निर्माण भएको छ ।
बजेटमा कृषि क्षेत्रको व्यवसायीकरणका माध्यमबाट कृषि उपजको उत्पादन र उत्पादकत्व वृद्धि गरी खाद्य तथा पोषण सुरक्षा, आत्मनिभरता र निर्यात गर्न सक्ने अवस्थामा पु¥याउन प्राविधिक सेवा तथा उत्पादन सामाग्रीको उपलब्धता सुनिश्चित गरिने र कृषिमा एक गाउँ एक उत्पादन कार्यक्रमलाई प्रोत्साहन हुने किसिमका कार्यक्रम सञ्चालनमा जोड दिइनेछ । कृषि स्मार्ट गाउँ विकसित गरिँदै लगिने जनाइएको छ ।
गाउँपालिकाका गैडहवा ताल, तुल्सीहवा ताल, शहीद पार्क, रामजानकी मन्दिर, सन्तेश्वर घाट, जोगडेश्वर महादेव, यशोधरा माताको मन्दिर र बालोद्यानलाई पर्यटकीय क्षेत्रका रुपमा विकास गर्न र त्यसलाई आर्थिक विकासका अवसरसँग जोड्ने गरी निरन्तरता दिइने उल्लेख छ ।
लुम्बिनी आउने पर्यटकलाई गैडहवासम्म ल्याउने र उनीहरुको बसाइ यस क्षेत्रमा रहने गरी घरबास सञ्चालनमा ल्याइने जनाइएको छ । प्रदेश र संघीय सरकारसँग समन्वय गरी सुविधासम्पन्न यशोधरा पार्क निर्माण गरेर राष्ट्रिय पर्यटकीयस्थलका रुपमा विकसित गरिने नीति कार्यक्रममा जनाइएको छ ।
गैडहवामा एउटा छात्रा विद्यालय स्थापना गर्नेतर्फ अध्ययन गर्ने र जेहेन्दार, गरीब, दलित र छात्रालाई छात्रवृत्ति एवं प्रोत्साहनस्वरुप शैक्षिक समाग्री प्रदान गरी अध्ययनको वातावरण सुनिश्चितता गरिने उल्लेख छ ।
गाउँपालिकाको बजेट रु ६६ करोड ७१ लाख ४४ हजार प्रस्तुत गरिएको छ । बजेटमा कृषि, शिक्षा र पर्यटनलाई उच्च प्राथमिकता दिइएको छ । बजेट, नीति कार्यक्रम यही असार १४ गते पारित गर्न कार्यक्रम रहेको गाउँपालिकाका प्रशासकीय अधिकृत चिरञ्जीवी घिमिरेले जानकारी दिए।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपहिमालमा पर्यटकलाई हेलिकोप्टरको सहारा
चैत १५, २०८० बिहिबार
सौराहाको रोजगारी र आयको मुख्य स्रोत पर्यापर्यटन
चैत १५, २०८० बिहिबार
बन्दीपुरमा चिनियाँ पर्यटकको चहलपहल बढ्यो
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार