गठबन्धनमा आवद्ध दलका भातृ संगठनहरुद्धारा काठमाडौंमा प्रदर्शन

१० असार, काठमाडौं । विपक्षी गठबन्धन आवद्ध राजनीतिक दलका विद्यार्थी संगठनले प्रधानमन्त्री केपी ओलीका पछिल्ला असंवैधानिक कदमविरुद्ध बिहीबार प्रदर्शन गरेका छन्।

नेविसंघ, अनेरास्ववियू, अनेरास्ववियू क्रान्तिकारी, समाजवादी विद्यार्थी युनियन र अखिल छैटौंमा आबद्ध विद्यार्थीहरुले काठमाडौंको प्रदर्शनीमार्गमा प्रदर्शन गरेका हुन्।

नेपाली कांग्रेसका सभापति शेरबहादुर देउवाको निवास बूढानीलकण्ठमा बुधबार बसेको विपक्षी गठबन्धनको बैठकले पनि प्रधानमन्त्री केपी  ओलीविरुद्ध सडक संघर्ष गर्ने निर्णय गरेको थियो।

प्रदर्शनीमार्गमा गरेको प्रदर्शनमा सहभागीहरुले असंवैधानिक कदम खारेज गर, विधिको शासन कायम गर, प्रतिगमन अब त अति भो, राष्ट्रलाई क्षति भो लगायतका प्लेकार्ड बोकेर प्रदर्शन गरे ।