बैरागी काइँलालाई सघन उपचार कक्षबाट वार्डमा सारियो

२० असार, काठमाडौं । तिलविक्रम नेम्वाङ ‘बैरागी काइँला’लाई सघन उपचार कक्षबाट वार्डमा सारिएको छ । नेपाल प्रज्ञा-(प्रतिष्ठानका पूर्वकुलपति  काइँला’को स्वास्थ्यमा क्रमिक सुधार आएपछि वार्डमा सारिएको हो ।

हाल बैरागी काइँलाको शरीर र हात चल्न थालेको तथा बोली पनि स्पष्ट भएको छ । यसअघि उनको शरीरको दायाँ भाग शुरुमा चल्न नसकेको र बोली राम्ररी खुल्न सकेको थिएन ।

काइँलाको उपचारमा ओम अस्पतालका सिनियर कन्सल्ट्यान्ट फिजिसियन डा.विश्वनाथ कोइराला, सघन उपचार विशेषज्ञ डा. प्रमेश सुन्दर श्रेष्ठ, न्यूरोलोजिष्ट डा. कृष्ण ढुङ्गाना लगायतका चिकित्सकहरु सहितको टोली संलग्न छ ।

एक साताअघि मस्तिष्काघात भएपछि उनी काठमाडौंको चाबहिलस्थित ओम अस्पतालमा उपचाररत छन् ।