शनिबार दिनभर बैंकका शाखा तथा काउन्टरहरु खुला हुने

२६ असार, काठमाडौं । शनिबार राजश्व संकलन गर्ने बैंकका शाखा तथा काउन्टरहरु खुला हुने भएका छन् । चालु आर्थिक वर्षको अन्तिम शनिबार आज भएका कारण बैंकहरले राजस्व संकलनका लागी दिनभर आज सेवा सुचारु राख्ने भएका हुन् ।

त्रैमासको अन्तिम दिन सार्वजनिक बिदा वा २५ गते पछाडि शनिबार परेमा शाखा कार्यालयहरु खुला राख्न नेपाल राष्ट्र बैंकले सूचना निकालेर बैंकहरुलाई निर्देशन दिने गरेको थियो ।

चौथो त्रैमासको अन्तिम शनिबार भएका कारण बैंकले शाखा तथा काउन्टरहरु खोलेर सेवा दिनसक्ने राष्ट्र बैंकको सुचना उल्लेख छ ।

बैंकर्स संघका अध्यक्ष भुवन दाहालले पनि शाखा कार्यालयहरुले चेक क्लियर समेतका केही सेवाहरुका लागि शनिबार बैंक खुला हुने बताएका छन् ।