एमालेको केन्द्रीय कमिटी बैठकमा नेपाल समूह अनुपस्थित

४ साउन, काठमाडाैं ।  नेकपा एमालेको केन्द्रीय कमिटीको बैठकमा  नेपाल समूह अनुपस्थित भएकाे छ । ललितपुरस्थित तुलसीलाल स्मृति प्रतिष्ठानमा केहीबेर अघिदेखि पार्टीको केन्द्रीय कमिटीको १०औं बैठक सुरू भएकाे हाे ।

बैठकमा नेपाल समूह भने अनुपस्थित भएकाे बताइएकाे छ । स्राेतका अनुसार  बैठकमा पार्टीको विधान र आगामी महाधिवेशनबारे छलफल हुने एजेन्डा रहेको छ । बैठकमा वरिष्ठ नेता माधवकुमार नेपाल–झलननाथ खनाल समूह भने उपस्थित छैन ।

आइतबार प्रधानमन्त्री शेरबहादुर देउवालाई विश्वासको मत दिने नेताहरूको बारेमा पनि बैठकमा छलफल हुने बताइएको छ । माधवकुमार नेपालसहित एमालेका २२ जनाल सांसदले देउवालाई विश्वासको मत दिएका थिए ।

त्यसमा अध्यक्ष केपी ओली पक्षकै ८ जना सांसद पनि थिए । देउवालाई १६५ जना सा‌सदले विश्वासको मत दिएका थिए ।