माधव गद्धार हुन्ः ओली

४ साउन, काठमाडौं । नेकपा एमालेको आज बसेको केन्द्रीय कमिटी बैठकमा अध्यक्ष केपी ओलीले भने–माधव नेपाललाई सम्मान अझै पुगेन छ । बीषवृक्षले पनि सम्मान खोज्ने,त्यो पनि अर्काे पार्टीका मान्छेले भनिदिनुपर्ने ?

हिजो प्रतिनिधिसभा बैठकमा प्रधानमन्त्री शेरबहादुर देउवालाई विश्वासको मत दिनेक्रममा माओवादी अध्यक्ष पुष्पकमल दाहाल ‘प्रचण्ड’ले उठाएको प्रश्नको जवाफ दिनेक्रममा ओलीले यस्तो बताएका हुन् ।

हिजोको प्रतिनिधिसभा बैठकमा चरम अनैतिक काम भयो, आफ्नै पार्टीको ह्वीप विरुद्ध फ्लोरक्रस गर्ने काम भएको छ , यो घटना अस्वभाविक र गैर राजनीतिक हो – ओलीले भने ।

हिजो एमालेका २२ जना सांसद्ले फ्लोरक्रस गरेका थिए भने ११ जनाले तटस्थ बस्ने निर्णय गरेका थिए । यो घोर अनैतिक काम हो, यस्तालाई पनि सम्मान? ओलीले प्रश्न गरे । पार्टीप्रति गद्धारी गर्नेलाई कारबाही गरिएन भने अराजकता हुने भन्दै ओलीले अब विशुद्ध एमाले मात्र पार्टीमा अटाउने बताए ।

वरिष्ठ नेता माधवकुमार नेपाल गद्धार भएकाले उनलाई पार्टीमा कुनै स्थान नभएको ओलीले फेरि दोह¥याए । माधव कम्युनिष्ट आन्दोलनकै गद्धार हुन् त्यस्तालाई कारबाही नगर्दा पार्टीमा भाँडभैलो हुनेछ – ओलीले भने । त्यस्ता गद्धारलाई एमालेमा अब कुनै ठाउँ छैन भन्दै उनले पार्टीप्रति गद्धारी गर्ने कोही पनि नरहने प्रष्ट पारे ।