२० श्रावण २०७८, बुधबार

जीवन बीमा कम्पनीले आर्जन गरे करिब ४२ अर्ब बीमा शुल्क, कुनले कति ?

प्रकाशित मिति :  ७ श्रावण २०७८, बिहीबार १०:३४


७ साउन, काठमाडौं । जीवन बीमा कम्पनीहरुले आर्थिक वर्ष २०७७/७८मा करिब ४२ अर्ब माथि प्रथम बीमा शुल्क आर्जन गरेका छन् । बीमा समितिको तथ्याङ्क अनुसार १९ जीवन बीमा कम्पनीहरुले असार मसान्तसम्ममा ४१ अर्ब ९७ करोड रुपैयाँ प्रथम बीमा शुल्क आर्जन गर्न सफल भएका हुन् ।

आर्थिक वर्ष २०७७/७८ को अवधिमा सबैभन्दा धेरै प्रथम बीमा शुल्क आर्जन गर्ने कम्पनीमा नेपाल लाइफ इन्स्योरेन्स कम्पनी रहेको छ । कम्पनीले असार मसान्तसम्ममा ८ अर्ब ८२ करोड रुपैयाँ प्रथम बीमा शुल्क आर्जन गर्न सफल भएको छ ।

दोस्रोमा नेशनल लाइफ इन्स्योरेन्स कम्पनी रहेको छ । कम्पनीले यस अवधिसम्ममा ४ अर्ब ३ करोड रुपैयाँ प्रथम बीमा शुल्क आर्जन गर्न सफल भएको छ ।

तेस्रोमा एलआइसी नेपाल रहेको छ । कम्पनीले असार मसान्तसम्ममा ३ अर्ब ५६ करोड रुपैयाँ प्रथम बीमा शुल्क आर्जन गर्न सफल भएको छ । त्यस्तै, यूनियन लाइफ इन्स्योरेन्स कम्पनीले ३ अर्ब १८ करोड रुपैयाँ प्रथम बीमा शुल्क आर्जन गरेको छ ।

त्यसैगरी रिलायबल नेपाल लाइफले २ अर्ब २१ करोड, एशियन लाइफले २ अर्ब १३ करोड रुपैयाँ, सिटिजन लाइफ इन्स्योरेन्स कम्पनीले २ अर्ब २ करोड, सूर्या लाइफ इन्स्योरेन्स कम्पनीले २ अर्ब १ करोड, ज्योति लाइफले १ अर्ब ८४ करोड, गुराँस लाइफ इन्स्योरेन्स कम्पनीले १ अर्ब ६८ करोड, आइएमई लाइफले १ अर्ब ५९ करोड, रिलायन्स लाइफले १ अर्ब ४८ करोड, मेट लाइफले १ अर्ब ४५ करोड, प्राइम लाइफले १ अर्ब ३८ करोड, सानिमा लाइफले १ अर्ब २८ करोड रुपैयाँ प्रथम बीमा शुल्क आर्जन गर्न सफल भएका छन् ।

त्यस्तै, सन नेपाल लाइफले ९१ करोड, प्रभु लाइफले ८९ करोड, राष्ट्रिय बीमा संस्थानले ७६ करोड र महालक्ष्मी लाइफले ७५ करोड रुपैयाँ प्रथम बीमा शुल्क आर्जन गरेका छन् ।

 


नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया दिनुहोस !
Sangrila bank new 10-17 1190x107
Machhapuchhre bank
छुटाउनुभयो कि?