होटल–पर्यटन तङ्ग्रिनेमा व्यवसायी चिन्तित, बुकिङ धमाधम रद्ध
नेपालबहस संवाददाता
साउन ९, २०७८ शनिबार १९:२९:५५
राजकुमार पराजुली
९ साउन, काभ्रेपलाञ्चोक । असार दोस्रोे सातादेखि कोरोना संक्रमणदर ओरालो लाग्दै गर्दा धुलिखेलस्थित होटल सारथीका सञ्चालक प्रह्लाद प्याकुरेललाई होटल व्यवसाय तङ्ग्रिनेमा निकै खुशी लागेको थियो ।
त्यसयता महिनाको अन्त्यदेखि होटलमा शुक्रबार र शनिबार चहलपहल बढ्न पनि थाल्यो । केही कार्यक्रमका बुकिङले प्याकुरेललाई उत्साह पनि थपिँदै गयो । उनलाई आजभोलि उही पहिलेकै चिन्ताले ‘डेरा’ जमाइसक्यो । “व्यवसायले रूप फेर्ला झैँ लागेको थियो, कोरोना तेस्रो लहरको चिन्ताले झन् सताउन थाल्यो”, प्याकुरेलले भने । कोरोनाका दुई वटा लहरले होटल व्यवसायीलाई निकै ठूलो घाटा बेहोर्न बाध्य बनाइरहेकाबेला पुनः तेस्रो लहरको महामारी प्रक्षेपणले उनीलगायत धुलिखेलका होटल व्यवसायीलाई थप चिन्ताको भारी बोकाएको छ ।
गत चैतमा दोस्रो लहर शुरु भएसँगै होटल सारथीमा वैशाख अन्तिम सातासम्मका बुकिङ रद्ध भएका थिए । पचास शय्याको क्षमता रहेको होटलमा वैशाख अन्तिमसम्म जेनतेन सरकारको स्वास्थ्य मापदण्डानुसार २५ लाई मात्र सेवा दिएपछि जेठ र असारमा होटल ठप्पै रह्यो । कोभिड–१९ को दोस्रो लहरको कोरोना संक्रमण बढ्न थालेपछि होटल सारथीसँगै काभ्रेपलाञ्चोकको पर्यटकीय धुलिखेलका होटलमा वैशाख अन्त्यसम्म गरिएका बुकिङ धमाधम रद्ध भएका थिए ।
कोरोनाको जोखिमपछि हाल पुनःबामे सर्दै गरेका होटल बन्द हुने हो कि भन्ने चिन्ताले सताउने गरेको गुनासो निकै आउन थालेको क्षेत्रीय होटल संघ ‘हान’ का अध्यक्ष प्रेमकण्ठ माकजु श्रेष्ठले बताए । “तेस्रो लहरको कोरोना आउने र सावधानी अपनाउनुपर्ने सूचना सरकारी पक्षबाटै आउन थालेपछि होटल व्यवसायी निकै तनावमा छन्, होटल व्यवसाय चौपट हुने भयो, व्यवसायी टाट पल्टने भए”, धुलिखेल लज रिसोर्टका सञ्चालकसमेत रहेका श्रेष्ठले भने ।
दैनिक २०० को हाराहारीमा आफ्नो रिसोर्टमा आन्तरिक-बाह्य पर्यटक आउने गरेकामा कोरोनाको दोस्रो लहर वैशाखपछि शून्यमै झरेको श्रेष्ठले गुनासो गरे । उनले भने, “अहिले दिनानुदिन आन्तरिक पर्यटक बढ्दै छन्, तर पछिल्ला दिनमा कोरोना संक्रमण बढ्दै गएपछि चहलपहल स्थिर बन्दै गएको भान भइरहेको छ ।”
गत वर्षको कोरोना कहरपछि आन्तरिक एवं बाह्य पर्यटकबाट आत्मनिर्भरतातर्फ लागेको धुलिखेलको होटल–पर्यटन कोरोनाको दोस्रो लहरले निकै प्रभावित बनाएको देखिन्छ । धुलिखेलमा ठूलासाना गरी करिब ६० होटलमा एक हजार शय्या क्षमता छन् । जिल्लास्थित धुलिखेलको होटल–पर्यटनमा मात्रै करिब रु ५० अर्बको लगानी रहेको संघले जनाएको छ । यहाँ करिब तीन हजारभन्दा बढीले प्रत्यक्ष रोजगारी पाएका छन् ।
कोभिड–१९ का कारण पर्यटन क्षेत्रले बेहोरिरहेको क्षति न्यूनीकरण गर्दै पुरानै लयमा फर्काउन होटल व्यवसायीले गत भदौ महिनामा विशेष तीन प्याकेजकोसमेत घोषणा गरेका थिए । “स्वास्थ्य–सुरक्षाका मापदण्ड अपनाई पर्यटन क्षेत्रले बेहोर्नुपरेको क्षति न्यूनीकरणलाई प्याकेजले पर्यटकको सेवामा विशेष प्याकेजसहित तल्लीन भएका थियौँ, दोस्रो लहरले पुनः थल्याइदियो, अब तेस्रोले के गर्छ यसै भन्न सकिन्न”, श्रेष्ठले गुनासो गरे ।
गत साल कोरोना संक्रमणदर घट्दा होटल–पर्यटनमा बढेको चहलपहलको आभास यो वर्ष नरहेको हानका सचिव ज्योत्स्ना सैँजु बताउछन । “तेस्रो लहरको प्रक्षेपणले हुनुपर्छ, हाल आन्तिरिक पर्यटकको समेत चहलपहल छैन”, उनले भने । बिदामा र केही विवाहका साना कार्यक्रमबाहेक हाल उनको धुलिखेलस्थित होटल प्रिन्समा चहलपहल हुँदैन ।
संघले यसअघि ‘कल्चर एण्ड नेचर’, ‘फिलिङ सुरपरम्यान’ र ‘तीनधारे झरना’लगायत विशेष प्याकेज सञ्चालन गर्दै आएको थियो । हाइकिङ र हजार सिँढी चढ्दै देवीस्थानमा रहेको कालीदेवीको दर्शन तथा शान्ति वनस्थित बुद्ध मूर्तिको अवलोकन प्याकेजमा अनिवार्य गराइएको थियो । संघले पुनःप्याकेजका कार्यक्रम ल्याएर व्यवसाय उकास्ने प्रयत्नमा लाग्ने व्यवसायी बताउँछन् ।
पर्यटकीयस्थल धुलिखेल सङ्घीय राजधानी काठमाडौंबाट ३० किलोमिटरको दूरीमा अवस्थित छ । धुलिखेल राजधानीबाट नजिकको पर्यटकीयस्थलसमेत रहेकाले आन्तरिक तथा बाह्य पर्यटकको अलावा काठमाडौं, भक्तपुर र ललितपुरका आवासीय कार्यक्रमसमेत हुने गर्दथे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपत्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
शरतसिंह भण्डारी मन्त्री हुँदा गरेका तीन विवादस्पद निर्णय श्रममन्त्री अर्यालद्वारा खारेज
बैशाख ६, २०८१ बिहिबार
मनकामना केबलकार शुक्रबार बन्द हुने
बैशाख ६, २०८१ बिहिबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार
मस्कको सुझाव - रकेट एकअर्कामा होइन, ताराहरुमा पठाऊ !
बैशाख ७, २०८१ शुक्रबार
आमजनतामा सूचना प्रविधिको पहुँच बिस्तार आवश्यकः मन्त्री शर्मा
बैशाख ७, २०८१ शुक्रबार