ओली–नेपाल भेट अनिश्चित
नेपालबहस संवाददाता
साउन १०, २०७८ आइतबार २०:२८:५१
१० साउन, काठमाडौं । दुुई तिहाई नजिकको केपी ओली नेतृत्वको सरकार अहिले अस्तित्वमा छैन । पाँच महिना अघिसम्म १७४ जना प्रतिनिधिसभा सदस्यका नेता रहेका ओल यतिबेला केवल ८३ जनामा खुम्चिएका छन् ।
यसको मूलकारण हो–सत्ताउन्माद । ओली सत्तामा पुुगेपछि कतै नभएको अहंकार पैदा भयो । त्यसैको राप र तापले नेकपा मात्रनभई नेकपा एमाले समेत तहस नहस बनेको छ ।
झण्डै साढे तीनवर्ष बालुवाटारमा राज गरेका ओली अहिले बालकोटको बार्दलीका गर्जन थालेका छन् । उनको कुण्ठा र हूँकार अझै उस्तै छ । कहिले माधव नेपाललाई लाल गद्धार भन्छन् त कहिले राजर्षी ठाँटमा आममाफीको घोषणा गर्छन् । ओलीको यही मतिले अहिलेको दुर्गतीभएको हो ।
सत्तामा रहेका बेला ओलीको उन्माद विस्तारै शिथिल भएजस्तो लाग्छ । तर यथार्थ भने बेग्लै छ । ओली बदलाभावबाट ग्रस्त छन् । तर सत्ता नै गुुमेपछि भने ओली पनि विचलित देखिएका छन् । आफूलाई सत्ताच्यूत गर्ने माधव नेपाल प्रति ओलीजति क्रुद्ध छन्, त्यो भन्दा बढी भावी राजनीतिक गतिविधिप्रति सचेत देखिएका छन् ।
गएको साता सम्पन्न केन्द्रीय कमिटी बैठकमा सातै प्रदेशबाट प्राप्त सूचनाले गर्दा ओली अली गलितबनेका हुन् । ओलीलाई रिपोर्ट गर्नेहरुले भने– माधव नेपाल बिनाको एमाले भुत्ते हुनेछ । त्यसले गर्दा ओलीको बोली संयमित बनेको हो । तर भाषा र शव्दावलिको प्रयोग भने ओलीको अझै उस्तै छुुद्र नै छ । त्यसैको पछिल्लो श्रृंखला हो – एम्नेष्टी इज ग्राण्टेड, अर्थात अपराधीहरुलाई आममाफी ।
यस्तै परिवेशमा पार्टी एकताको लागि ओली थोरै लचक देखिए पनि नेता नेपालभने अटल छन् । ओलीको स्वार्थका खातिर बिना आधार एकताको पक्षमा नरहने उनको सोच प्रष्टै छ । त्यसैले नेता नेपाल हिजो सत्ताधारीहरुको गठबन्धनमा भागलिन बालुवाटार पुगे ।
नेता नेपाल बालुवाटार पुुग्दा ओलीलाई भने भाउन्न भएको छ । आफू प्रधानमन्त्री रहँदा एकै दिन बालुवाटार नछिरेका नेपाल देउवालाई भेट्न बालुवाटार मात्र नभई बूूढानिलकण्ठसम्मै धाउन्ती गर्न हौसिएकाले ओलीलाई थामिनसक्नेगरी रिस उठेको छ । हिजो नेपालको बालुवाटार गमनलाई ओलीले ब्यङ्ग कस्दै भनेका छन्– घरको भातभन्दा छिमेकीको जुठो प्यारो लाग्नेसँग के लाग्दो रैछ र बरी लै ।
नेता नेपाल ओलीसँग विरक्तिए पछि एमालेको एकता अभियान फेरि अल्मलिएको छ । हिजो ओलीले माधव नेपाल बाहेकको एमाले चाहेका थिए । तर परिस्थिति बन्यो उल्टो । नेपाल बाहेकको एमाले आमकार्यकर्ताले रुचाएनन् । त्यसैले ओली वाध्यभएका छन् । तर नेपालको मन कुँढिएकै छ । उनले अझै ओली प्रति विश्वास र भरोशा गर्न सकिरहेका छैनन् ।
त्यसैले गएको साताबाटै ओलीसँगको भेटघाटका लागि नेता नेपालले रुचि देखाएनन् । नेताद्वय भीम रावल र सुभाषचन्द्र नेम्बाङले ओली र नेपालबीच भेट गराउन ठूलै प्रयत्न गरे । तर सफल भएनन् । किनभने नेपालले ओलीसँग भेट्नुको औचित्य नै देखेनन् ।
ओलीसँग ठोस कार्यक्रम र योजना बिना भेट्नुको कुनै अर्थ नरहेको उनको बुुझाई छ । बरु नभेट्दै राम्रो । किनभने ओलीसँग भेट्नु भनेको समयको बर्बादीमात्रै हो ।
ओलीले गएको साता नेता नेपाललगायत २२ जना सांसद्प्रति गरेको भद्धा टिप्पणी नै यसको कारक बन्यो ।
ओलीले अपराधीलाई आममाफीभन्ने वित्तिकै नेपाल पक्ष बम्किएको छ । त्यसको भोलिपल्टै नेता नेपालले महाराजधिराजले आममाफी बक्सेछ भन्दै ओलीप्रति कटाक्ष गरे । ओलीको त्यही बिझाउने शव्दले बन्नलागेको भेटघाटको वातावरण फेरि बिथोलिएको छ ।
ओलीले दिएको आममाफीले दास र मालिकको हैसियत जस्तो बनाएको बुझाई नेपालपक्षको रहेको छ । ओलीले अरुलाई सहकर्मी या योद्धा भन्दा विशुद्ध दासको रुपमा स्वीकारेको बुझाई उनीहरुको रहेको छ ।
ओली सरकार ढल्नुमा दोषी माधव नेपाल होइन । त्यसको प्रमुख कारण नै ओली आफैं हुन्– नेपालपक्षीय नेता विरोध खतिवडा भन्छन् । पटक पटक प्रतिनिधिसभा विघटन गर्दा एक शब्द पार्टी नेताहरुसँग सल्लाह नगर्नेले नैतिकताको कुरा गर्न नसुहाउने उनको तर्क छ । दुुई पटक सर्वाेच्च अदालतले बदर गर्दासमेत नकचरो जस्तो पदमा लिसो जस्तो टाँस्सिने प्रवृत्ति नै समस्याको जड भएको उनको बुझाई छ ।
यथास्थितिमा ओलीसँग नेता नेपालले भेट्ने अवस्था र कारण नरहेको उनी बताउँछन् । अहिले केकालागि भेट्ने ? न कुनै मुद्धा छ, न विषय नै – खतिवडाले भने ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
नेपाली सेनाको उच्चस्तरीय राष्ट्रिय सुरक्षा तालिम सम्पन्न
चैत १६, २०८० शुक्रबार
सवारी दुर्घटनाः सुदूरपश्चिममा साढे तीन वर्षमा ६ सय ७४ को मृत्यु
चैत १६, २०८० शुक्रबार
राजस्व छलीका गाडी र मोटरसाइकलसहित तीन जना पक्राउ
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार
आयरल्याण्ड वोल्भ्सविरुद्ध लोकेश बमको शतक
चैत १६, २०८० शुक्रबार
बागमती प्रदेशस्तरीय भलिबल प्रतियोगिता हुने
चैत १६, २०८० शुक्रबार