नेपाल राष्ट्र बैंकले माग्यो ठूलो संख्यामा कर्मचारी, ८ पास गरेकाले पनि आवेदन दिन पाउने

११ साउन, काठमाडौं । नेपाल राष्ट्र बैंकले विभिन्न पदका लागि ६३ जना कर्मचारी माग गरेको छ । बैंकले एक सूचना सार्वजनिक गर्दै आठ पास गरेकालाई पनि रोजगारीको अवसर रहेको जनाएको हो ।

बैंकले सुरक्षा सहायक पदका लागि १ जना र रक्षक पदका लागि ५ जना कर्मचारी माग गरेको हो । उक्त २ पदमा आवदेन दिनको लागि एसएलसी वा सो भन्दा माथिको शैक्षिक योग्यता हासिल गरेको हुनुपर्ने छ ।

त्यस्तै, सिपाही कर्मचारी लागि आठ पास उत्तिर्ण गरेका ५ जना महिला र २२ जना पुरुष गरी २७ जना माग गरेको छ । साथै बैंकले कार्यालय सहयोगी पदका लागि ३० जना आठ पास उतिर्ण गरेको व्यक्ति समेत माग गरेको छ ।

इच्छुक योग्यता पुगेका व्यक्तिले साउन २४ गते आइतबारसम्म शैक्षिक योग्यता प्रमाणपत्र सहित सम्पूर्ण विवरण खुलाई अनलाईन दरखास्त फारम पेश गर्न सकिने बैंकले जानकारी दिएको छ ।