लक्ष्मी इक्वीटी फण्डको लाभांश बिहीवारसम्म कायम इकाईधनीहरुले मात्र पाउने

१४ साउन, काठमाडौं । लक्ष्मी इक्वीटी फण्डको प्रस्तावित ३५ प्रतिशत लाभांश साउन १४ गते बिहीवारसम्म कायम इकाईधनीहरुले मात्र पाउने छन् ।

फण्डले लाभांश प्रयोजनका लागि साउन १५ गते एक दिन बुक क्लोज गर्ने भएकाले साउन १४ गतेसम्म कायम इकाईधनीहरु मात्र लाभांशका लागि योग्य भएका हुन्।

लक्ष्मी क्यापिटल मार्केट लिमिटेडको व्यवस्थापनमा सञ्चालित उक्त फण्डले आर्थिक वर्ष ०७७/७८ को लागि करसमेत ३५ प्रतिशत नगद लाभांश वितरणको प्रस्ताव गत साउन ७ गते गरेको हो ।