जीवन विकास लघुवित्तको शेयरमा सर्वाधिक करिब १४ लाख कित्ता खरीद माग

१४ साउन, काठमाडौं । बिहीवारदेखि कारोबारमा आएको जीवन विकास लघुवित्त वित्तीय संस्थाको शेयरमा सर्वाधिक शेयर खरीद माग रहेको छ ।

कम्पनीको शेयरमा १३ लाख ६० हजार कित्ता शेयर खरीद माग रहेको हो । कम्पनीको प्रतिकित्ता  ९८९ दशमलव १० मा कारोबार भइरहेको छ । कम्पनीको शेयर प्रि-ओपन सेसनमा प्रतिकित्ता ९१४ मा शुरु भएको थियो ।

यो समाचार तयार पर्दासम्म कम्पनीको ८० कित्ता शेयर खरीदविक्री भएको छ । कम्पनीले साउन १३ गते बुधवार ६० लाख ८४ हजार कित्ता आईपीओ सूचीकृत गराएको हो ।

नेप्से कम्पनीको पहिलो कारोबारको लागि ३०५ दशमलव २७ देखि ९१५ दशमलव ८१ सम्म ओपन रेञ्ज तोकेको थियो । नेप्सेले कम्पनीको पहिलो कारोबारका लागि नेटवर्थको तीन गुणासम्म मूल्य रेञ्ज तोक्ने गर्दछ ।