देउवा नेतृत्वको सरकारमा को-को सहभागी हुँदैछन् ?

१५ साउन, काठमाडाैं । प्रधानमन्त्री शेरबहादुर देउवा नेतृत्वको सरकारमा को-को सहभागी हुँदैछन् र कसले कति मन्त्रालय पाउँछन् ? भन्ने बिषय अहिले सबैकाे चासाे बनेकाे छ ।

जस अनुसार देउवा नेतृत्वको सरकारका कांग्रेसले प्रधानमन्त्रीसहित ८, माओवादी ७ र जसपाले ७ मन्त्रालय पाउने छन् । जसमध्ये ३ उपप्रधानमन्त्री बनाईने भएको छ ।

जसमा माओवादी कृष्णबहादुर महराको नेतृत्वमा, कांग्रेस सुजाता कोइरालाको नेतृत्वमा र जसपा उपेन्द्र यादवको नेतृत्वमा जाने सहमति भएको भएता पनि बाबुराम भट्टराई र रेणु यादवले उपेन्द्रलाई सरकारको लोभ छाडेर पार्टी बलियो बनाउन सुझाव दिएपनि उपेन्द्र यादवले नछाड्ने देखिन्छ ।

जसमा उपेन्द्रसहित महेन्द्र राय यादव, राजेन्द्र श्रेष्ठ, रेणु यादव, प्रदीप यादव, इस्तियाक राई, रानी मण्डल, प्रमोद साह, अमृत अग्रहरी आदि सरकारमा जादैछ्न ।

यता, नेकपा एमालेका वरिष्ठ नेता माधवकुमार नेपाल पक्ष सरकारमा नजाने भएको छ । पार्टी एकता प्रक्रिया चलिरहेको र अर्को पार्टी नबनाएकाले नेपाल पक्ष सरकारमा सहभागी नहुने निष्कर्षमा पुगेको हाे ।

सत्तारुढ गठबन्धनले माधव नेपाल पक्षलाई सरकारमा सहभागी हुन आग्रह गर्दै आएको छ । प्रधानमन्त्री देउवा र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले नेता नेपालसँग लगातार संवाद गरी सरकारमा आउन आग्रह गरिरहेका छन् ।

हिजो बिहीबार बिहान मात्रै प्रचण्ड माधव नेपाललाई भेट्न उनको निवास कोटेश्वर पुगेका थिए । तर नेता नेपालले तत्काल उक्त समूहको सरकारमा सहभागिताबारे अनिश्चितता कायमै छ । ३ साउनमा प्रधानमन्त्री देउवालाई नेता नेपालसहित एमालेका २२ सांसदले विश्वासको मत दिएका थिए ।

स्रोतका अनुसार आजै पनि नेपालसँग प्रधानमन्त्री देउवा, माओवादी केन्द्रका अध्यक्ष प्रचण्ड र जसपा अध्यक्ष यादवले छुट्टाछुट्टै वा संयुक्त छलफल गर्ने तयारी छ।

प्रधानमन्त्री देउवाले नेपालसँग छलफल गर्न प्रचण्डलाई जिम्मा दिएका छन् । त्यसपछि थप छलफल गर्ने देउवाको तयारी छ । सरकारलाई चाँडै पूर्णता दिने विषयमा सत्तारुढ गठबन्धनमा सैद्धान्तिक सहमति जुटिसकेको छ ।