नेपालगञ्जबाट फर्किदै गरेकाे जीप चिसापानीमा खस्दा दुई जना बेपत्ता

१५ साउन, कैलाली । नेपालगञ्जबाट फर्किदै गरेकाे जीप चिसापानीमा खस्दा दुई जना बेपत्ता भएकाे छ । शुक्रबार दिउँसो मोहन्याल गाउँपालिका–७ स्थित चिसापानी–सोल्टा कच्ची सडकखण्डबाट जीप कर्णाली नदीमा खसेको हो ।

नम्बर खुल्न नसकेको जीप ब्याक गर्ने क्रममासडकबाट कर्णाली नदीमा खसेको हो । जीपका चालक डोटीको आर्दश गाउँपालिकाका प्रकाश जोशी र उनकी श्रीमती रुपी जोशी नदीमा बेपत्ता छन् । उनीहरुको खोजी कार्य भइरहेको छ ।

दुर्घटनामा जोशीका छोरीहरु १३ वर्षीया लक्ष्मी, चार वर्षीया सावित्री र तीन वर्षीय छोरा भुवन घाइते भएका छन् । उनीहरु मध्ये भुवन र सावित्रीको अवस्था गम्भीर छ ।

नेपालगञ्जबाट उपचार गरेर फर्किने क्रममा सोल्टा घुम्न जाँदा उनीहरु दुर्घटनामा परेको अनुमान चिसापानी रहेको प्रहरी पोष्टले जानकारी दिएको छ ।