लुम्बिनी प्रदेशमा जसपाका तीन सांसद पदमुक्त

१५ साउन, काठमाडौं । जनता समाजवादी पार्टी नेपाल लुम्बिनी प्रदेशका तीन सांसद पदमुक्त भएका छन् । प्रदेशसभा सचिवालयका सचिव दुर्लभकुमार पुनले सूचना जारी गर्दै सन्तोषकुमार पाण्डेय, विजयबहादुर यादव र कल्पना पाण्डेय पदमुक्त भएको जानकारी दिएका हुन् ।

जसपाको उपेन्द्र यादव पक्षकै निर्णयका आधारमा १४ वैशाखमा पाण्डेय, यादव र पाण्डेयसँगै सुमन शर्मा रायमाझी पदमुक्त भएका थिए । तर सर्वोच्च अदालतले ३ जेठमा आफ्नो पक्षमा आदेश दिएपछि उनीहरु फेरि प्रदेशसभामा फर्किएका थिए ।