अस्तव्यस्त टिचिङ अस्पतालः बिरामीका आफ्नै समस्या, क्यास काउन्टरमा कुरुवाका पीडा

१५ साउन, काठमाडौं । साउन १२ गते मंगलबार मध्याह्न १२ बजे । टिचिङ अस्पतालमा बिरामीका कुरुवाको लाइन अस्तव्यस्त छ ।भीडभाड पनि त्यतिकै छ । कुप्रो परेको हाड, निलो धर्के कमिज, कालो पाइन्ट लगाएका करिब ३५ बर्षको पुरुष टिचिङ अस्पतालको हाडजोर्नी विभाग, बेड नम्बर १०२१, रुदै कराउँदै थिए । दुख्यो नि बाबा, मरे नि बाबा ।

यस्तै बैतडी घर भएका सुरेश साउद कामको शिलशिलामा रामेछाप आएका थिए । तर काम गर्दै गर्दा उनी छतबाट खसे । एक्लै अस्पताल आएर भर्ना भएका उनको पनि हड्डीको अप्ररेशन यहि अस्पताल छ ।

उता कुरुवा आत्तिरहेका थिए, कतिखेर पैसा तिर्ने पालो आउँला अनि ओपीडी चेकजाँच, ल्यावटेष्ट, एक्सरे जाँच गरौंला भनेर तर अचानक क्यास काउन्टर बन्द भयो । उपचारमा लागि आएका बिरामी बेडमा छट्पटी गर्दै थिए । तर लाइनमा बसेका कुरुवा एक्कासी काउन्टर बन्द हुदाँ समस्यामा परे । के भयो कसो भयो उनीहरुले कुनै मेलो पाएनन् ।

अस्पतालमा उपत्यकासहित विभिन्न जिल्लाबाट उपचार गराउन दैनिक हजारौंको संख्यामा आउने बिरामीको चाप उस्तै छ । तर व्यवस्थापन फितलो हुदाँ बिरामीसहित कुरुवालाई दैनिक सास्ती हुने गरेको छ ।

बिहानैदेखि खुल्ने अस्पतालको गणेशमान सिंह भवनमा रहेको काउन्टर खाना खाने समय भएको भन्दै बन्द भएपछि कहिले पालो आउँला भन्दै लाइनमा बसेका कतिपय बिरामी र कुरुवा आकोशित हुँदै भने, “कस्तो अस्पताल हो यो, यतिबेर लाइनमा बसेपछि पैसा लिईदिएको भए हुने नि – उता डाक्टरले चेकजाँच गर्ने थिए ।”

मध्याह्नको त्यो समय कोही तनावमा थिए । कोही असिनपसिन हुँदै पसिना पुछ्दै, लामोलामो श्वास फेर्दै थिए । यतिकैमा काउन्टरमा बसेका करिब हेर्दा २९÷३० बर्षका देखिने युवा झोक्किदै बोले “तपाईंहरु कुरा बुझ्नु हुन्न ! तपाईंहरु मान्छे कि पशु ? १२ बजे बन्द हुन्छ भने पछि बन्द हुन्छ । अब १ बजेपछि मात्र हुन्छ । ज-जसको लाइन जहाँ थियो , केही समयपछि त्यही आएर बस्नु ।”

गणेशमान भवनमा बिशेष गरि हाडजोर्नीको उपचार हुन्छ । जहाँ खुट्टा, हात र ढाड लगायतका अप्रेशन समेत हुँदै आएको छ । तर इर्मेजेन्सीमा उपचार गराउँदै आएका बिरामीका कुरुवा पनि काउन्टर बन्द हुदाँ थप समस्यामा परेका हुन । गणेशमानको तल्लो तलामा काउन्टर छ । जहाँ २ वटा लाइन हुन्छ ।

एउटा लाइन कोरोना परीक्षणको लागि रकम बुझाउने र अर्को लाइन हाडजोर्नीको उपचारका लागि उपचारको रकम बुझाउने तर पीसीआरको रकम बुझाउने काउन्टर खुल्ला रहिरहँदा हाडजोर्नीको उपचारमा आएका बिरामी र कुरुवालाई थप समस्या भएको हो ।

यता अस्पतालको विभिन्न विभागमा राखिएका औषधि कक्षमा डाक्टरले लेखेबमोजिमको औषधि नपाउँदा बिरामीका आफन्त बाहिर खोलिएका पसलबाट महंगोमा औषधि किन्न बाध्य छन् । नुवाकोटबाट बहिनीको उपचारमा आएकी कुरुवा आफ्नो नाम नबताउने शर्तमा भन्छिन् “पहिला यहाँ यो दबार्य छ कि नाई भनेर सोधपुछ गर्नुपर्छ, प्रायः सधैं यो छ, यो छैन ! भनेर भन्छन् । यसले गर्दा यहाँ अलि सस्तो पर्ने औषधि पनि बाहिर महंगोमा किन्नु पर्छ ।”

र याे पनि…..