निषेधाज्ञा खुकुलो हुँदा संक्रमणको जोखिम उच्च

१८ साउन, काठमाडौं । नेपालमा निषेधाज्ञा खुकुलो भएसँगै कोरोना संक्रमण दर बढेको छ । जोखिम कायम रहदै गर्दा सरकारले जारी गरेको निषेधाज्ञा खुकुलो बनाउदा संक्रमणको जोखिम उच्च भएको हो ।

अहिले सार्वजनिक यातायातसहित सबैखाले व्यवसाय सञ्चालनमा आएसँगै बजारमा भीडभाड बढेको छ तर स्वास्थ्य सुरक्षामा हेलचेक्र्याइ हुँदा संक्रमण दर ह्वातै बढ्दै गइरहेको छ ।

निषेधाज्ञा खुकुलो भएपछि अहिले प्राय संक्रमित हुनेमा व्यवसायी, पेशाकर्मी लगायत कामकाजी उमेर समूहका रहेको स्वास्थ्य मन्त्रालयको रेर्कडले पनि जनाएको छ ।

उता एक सय जनाको पीसीआर परीक्षण गर्दा औसत ३० जनामा कोरोना संक्रमण पुष्टि हुने गरेको लुम्बिनी प्रादेशिक अस्पतालले जनाएको छ ।

रुपन्देहीसहित छिमेकी जिल्लाहरु अर्घाखाँची, गुल्मी, कपिलवस्तु लगायतका जिल्लाबाट आएकाहरुमा कोरोना संक्रमण बढी देखिएको र हरेक दिन कोरोना संक्रमण दर बढ्दो क्रममा रहेको छ ।

सामाजिक दुरी कायम नगर्ने, मास्क नलगाई भीडभाडमा निस्कने र मिल्दोजुल्दो लक्षण देखिंदा पनि परीक्षण नगर्ने परिपाटीले कोरोना संक्रमण बढेको पाइएको छ ।

तेसो त, १४ साउनसम्मको तथ्यांक अनुसार प्रदेशमा १०९८ जना उपचाररत छन् । तीमध्ये आईसीयूमा ५० जना, एचडीयूमा १०७ जना र भेन्टिलेटरमा ४ जना गरी २०८ जना कोरोना विशेष अस्पतालमा, ८२५ जना होम आइसोलेसनमा र ६५ जना आइसोलेसन सेन्टरमा रहेका छन् । प्रदेशमा १४ साउनसम्म २०९५ जनाको कोरोना संक्रमणबाट मृत्यु भएको छ ।