नेतृत्व तहसँग मनमुटाव भएपछि एन्फाका प्रवक्ता राईले दिए राजीनामा

१८ साउन, काठमाडौं । नेतृत्व तहसँग मनमुटाव भएपछि अखिल नेपाल फुटबल संघ ‘एन्फा’ का प्रवक्ता किरण राईले पदबाट राजीनामा दिएका छन् ।

सोमबार उनले सातदोबाटोस्थित एन्फाको मुख्यालयमा अध्यक्ष कर्माछिरिङ शेर्पालाई आफ्नो पदबाट राजीनामा दिएका हुन् । अहिले नेपाली राष्ट्रिय टिमका मुख्य प्रशिक्षक अब्दुल्लाह अल्मुताइरीको विषयलाई लिएर एन्फामा चर्को विवाद छ ।

राष्ट्रिय फुटबल टिमका मुख्य प्रशिक्षक अब्दुल्लाहा अलमुताइरीको राजीनामा प्रकरणमा असन्तुष्ट रहेका राईले प्रवक्ताको जिम्मेवारीबाट हट्ने निर्णय गरेका हुन् ।

विदेशी प्रशिक्षकले एन्फाका वरिष्ठ उपाध्यक्षमाथि सामाजिक सञ्जालमा आरोप लगाउदै राजीनामाको घोषणा गरेपछि प्रवक्ता राई पनि असन्तुष्ट छन् ।