महालक्ष्मी विकास बैंकद्वारा शेयरधनीलाई लाभांश लिन अनुरोध

१९ साउन, काठमाडौं । महालक्ष्मी विकास बैंकले शेयरधनीलाई पुरानो लाभांश लिन अनुरोध गरेको छ ।

कम्पनीले साविक मालिका विकास बैंक,महालक्ष्मी फाइनान्स,यती फाइनान्स, सिद्धार्थ फाइनान्स र भ्याली फाइनान्सको विभिन्न साधारण सभाबाट पारित भएको लाभांशहरु केहि शेयरधनीले हालसम्म नलिएको भन्दै पुन लिन भनेको हो ।

कम्पनीले हालसम्म लाभांश बुझिलिन बाँकी रहेका लाभांशपूर्जाहरु समयमा नै कम्पनीको शेयर रजिष्ट्रार सिद्धार्थ क्यापिटल नारायणचौर नक्सालमा सम्पर्क राखी लिन अनुरोध गरेको छ ।

समयमानै लाभांश पूर्जा बुझि नलिएमा प्रचलित कानून बमोजिम लगानीकर्ता संरक्षण कोषमा जाने पनि कम्पनीले बताएको छ ।