आज कोरोनाबाट १४ जनाको मृत्यु, थप १२७१ संक्रमित !

२४ भदौ, काठमाडौं । नेपालमा पछिल्लो २४ घण्टामा थप १ हजार २ सय ७१ जनामा कोरोना भाइरस संक्रमण पुष्टि भएको छ । सो अवधिमा १ हजार ८४५ जना निको भएका छन् भने १४ जनाको मृत्यु भएको छ ।

स्वास्थ्य मन्त्रालयका अनुसार ८ हजार ८९८ पीसीआर परीक्षणमा १ हजार ५८ र ३०४६ एन्टिजेन परीक्षणमा २१३ जना गरी १ हजार २७१ जनामा संक्रमण पुष्टि भएको हो ।

जसमा २६ हजार ८८६ जना घरमै आइसोलेसनमा छन् भने १७ सय ९२ जना संस्थागत आइसोलेसनमा छन् । ४५८ जना आइसियु र १३९ जना भेन्टिलेटरमा छन् ।