बाघ नियन्त्रणमा लिन लागि निकुञ्जद्वारा पहल सुरु
नेपालबहस संवाददाता
भदौ २९, २०७८ बुधबार १:३०:१२
२९ भदौ, नेपालगंज । बाँकेको राप्ती सोनारी गाउँपालिका-१ गाभरमा पाटेबाघको आक्रमणमा परी एक जनाको ज्यान गएपछि बाँके राष्ट्रिय निकुञ्जले सो बाघ नियन्त्रणमा लिनका लागि तयारी अघि बढाएको छ ।
निकुञ्जका प्रमुख संरक्षण अधिकृत श्यामकुमार शाहले घटनास्थल तथा आसपासको क्षेत्रमा उच्चसर्तकता अपनाउँदै निकुञ्जबाट निरन्तर अनुगमन गर्नुका साथै बाघ नियन्त्रणमा लिनका लागि आवश्यक तयारी अघि बढाएको जानकारी दिए । मंगलबार पनि बाघ घटनास्थलभन्दा करिव एक किलोमिटर पूर्व राजमार्ग पार गरेर जंगलतर्फ लागेको एक जना मोटरसाइकल चालकलाई उद्धृत गर्दै उनले जानकारी दिए ।
उनले भने, ‘प्रभावित क्षेत्रमा दुईवटा हात्तीले गस्ती गर्नुका साथै घटनास्थल र आसपासको स्थानको पहिचान गरी क्यामेरा ट्यापिङका लागि क्यामेरासमेत जडान गरिएको छ । अब चाँडै नै परिणाम आउनेमा हामी विश्वस्त छौँ ।’
गाभरको भेरी राप्ती स्टाफ होटलमा काम गर्ने अन्दाजी ४५ वर्षका पुरुष आइतबार बेलुकीदेखि एक्कासि हराएपछि उनको खोजी गर्दा सोमबार बिहान आधा शरीर पाटेबाघले खाएको अवस्थामा शव भेटिएको थियो । घटनापछि बाँके राष्ट्रिय निकुञ्जले बाघ नियन्त्रणमा लिनका लागि बर्दिया राष्ट्रिय निकुञ्ज, चितवन निकुञ्जबाट प्राविधिक टोली बोलाएर परिचालन गरी सकेको निकुञ्जका प्रमुख संरक्षण अधिकृत शाहले जानकारी दिए ।
यसैबीच सो घटनापछि स्थानीय प्रशासानले निकुञ्ज क्षेत्रमा रातको समयमा साना सवारी संचालन गर्न र पैदल यात्रा गर्न रोक लगाएको छ । बाँके राष्ट्रिय निकुञ्ज क्षेत्रमा बाघको चहलपहल बढेपछि निकुञ्ज क्षेत्रमा रातको समयमा पैदल यात्री, साइकल र मोटरसाइकलमा यात्रा गर्न बाँके प्रशासनले रोक लगाएको हो ।
जिल्ला प्रशासन कार्यालय बाँकेले जारी गरेको आदेशमा पूर्व-पश्चिम राजमार्गअन्तर्गत निकुञ्जको कोहलपुर-शिवखोला सडकखण्डमा साँझ ७ बजेदेखि बिहान ६ बजेसम्म पैदल, साइकल र मोटरसाइकलमा यात्रा गर्न अर्को सूचना जारी नहुँदासम्मका लागि बन्द गरिएको उल्लेख गरिएको छ । बाँके प्रशासनले अन्य समयमा पनि निकुञ्ज क्षेत्रमा यात्रा गर्दा सचेत रहन भनेको छ ।
यसैगरी पूर्व(पश्चिम राजमार्गमा करिव ७० किलोमिटर लामो निकुञ्जको जंगल रहेकाले बाघले राजमार्गमा हिँड्ने साना सवारीसाधनलाई विशेष चनाखो भई हिँड्न र अगाडि ठूला सवारी साधन, पछाडि पनि ठूला सवारी साधनको बीचबाट मात्र हिँड्न मिल्ने गरी व्यवस्था मिलाएको बाँके प्रहरी प्रमुख तथा प्रहरी उपरीक्षक श्यामकृष्ण अधिकारीले जानकारी दिए ।
बाघले बस्तीमा पस्न सक्ने र आक्रमण गर्ने जोखिम रहेकाले आमनागरिकको सुरक्षाका लागि निकुञ्जमा तैनाथ अर्जुन बाण गणका सुरक्षाकर्मी, नेपाल प्रहरी र हात्तीसहितको प्राविधिक टोलीबाट नियमित रूपमा पाटेबाघको निगरानी गरिँदै आएको निकुञ्जले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपलुम्बिनीका ७ जना मन्त्रीले पाए जिम्मेवारी
बैशाख १२, २०८१ बुधबार
लुम्बिनी विकास कोषले देखायो हदैसम्मको लापरवाही, अहिलेसम्म फेरिएन च्यातिएको झण्डा
बैशाख १२, २०८१ बुधबार
बाँकेका विभिन्न सामुदायिक वनमा डढेलो
बैशाख ९, २०८१ आइतबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
इन्टरपोलबाट रेड नोटिस जारी भएका फरार व्यक्ति युएईबाट पक्राउ
बैशाख १३, २०८१ बिहिबार
कैलालीका विभिन्न ठाउँमा आगलागी, पशुचौपायामा क्षति
बैशाख १३, २०८१ बिहिबार
सत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
निमित्त प्रशासकीय अधिकृतसहित ७ जनाविरुद्ध मुद्धा दायर
बैशाख १३, २०८१ बिहिबार
छैटौँ संस्करणको सगरमाथा म्युजिक अवार्डको आवेदन खुला
बैशाख १३, २०८१ बिहिबार