सरकार गठनको दुई महिना : दिनहुँ भेटघाट, मन्त्रिपरिषद विस्तारमा सधै अवरोध
नेपालबहस संवाददाता
भदौ २९, २०७८ बुधबार ३:४९:१३
२९ भदौ, काठमाडौं । प्रधानमन्त्री शेरबहादुर देउवा नेतृत्वको सरकारले मंगलबार दुई महिना पूरा गरेको छ । पाँच मन्त्री लिएर सरकार चलाइरहेका देउवाले मन्त्रिपरिषद विस्तार गर्न सकेका छैनन । २९ असारमा सर्वोच्च अदालतको परमादेशबाट प्रधानमन्त्री पदमा नियुक्त भएका देउवाले दुई महिना बित्दा पनि सरकारलाई पूर्णता दिन सकेका छैनन् । देउवा नेपाली कांग्रेस, माओवादी केन्द्र, जसपा र माधव नेपालको तत्कालीन एमालेको समूह र राष्ट्रिय जनमोर्चाको सहयोगमा प्रधानमन्त्री बनेका थिए ।
पाँच दलीय गठबन्धनबाट प्रधानमन्त्री बनेका देउवाले दुई महिनासम्म पनि पाँच जना नै मन्त्रीका भरमा सरकार चलाइ रहेका छन् । त्यसमा पनि एक जना भने राज्यमन्त्री छन् । प्रधानमन्त्रीसहित गर्दा सरकार ६ सदस्सीय मात्रै छ । दुई महिनाकोबीचमा सरकार विस्तारको काम हुन सकेन । करिब डेढ वर्ष आयू रहेको यो सरकारले दुई महिनाभन्दा बढी समय सरकार विस्तारमै लगाएको छ । गठबन्धनमा रहेका दलहरुको दैनिक बैठक बसेपनि सरकार विस्तार लगायतका काममा उनीहरुले ध्यान दिन सकेका छैनन । मंगलबार पनि सत्तारुढ गठबन्धनका शीर्ष नेताबीच भेटवार्ता भएको थियो ।
मंगलबार प्रधानमन्त्री निवास बालुवाटारमा प्रधानमन्त्री देउवा, माओवादी केन्द्रका अध्यक्ष पुष्पकमल ‘प्रचण्ड’ र नेकपा ‘एकीकृत समाजवादी’का अध्यक्ष माधव कुमार नेपालबीच भेटवार्ता भएको हो । बैठक अपराह्न ६ बजेदेखि सात बजेसम्म भएको बताइएको छ । बैठकमा मन्त्रिपरिषद् विस्तार, संसदमा जारी प्रतिपक्षी दलको अवरोध र प्रतिस्थापन विधेयकको प्रक्रिया अगाडि नबढ्दा सरकारी खर्च कसरी चलाउने भन्ने विषयमा छलफल भएको थियो ।
सरकार विस्तारमा ढिलाई हुँदा त्यसको असर संसदमा पनि देखिएको छ । गठबन्धनमा सहभागी दलहरुबीच नै एकता नभएको आभाष देखिन्छ । तर पनि प्रधानमन्त्री देउवा र गठबन्धनमा सहभागी दलहरुले सरकार विस्तारमा ध्यान दिएका छैनन । दिनहुका यस्ता छलफल फलदायी बन्नुको साटो झारा टार्ने र अलमल्याउने काम मात्रै भएको छ । गठबन्धनभित्रकै उल्झनले अहिले राजनीति ‘डेटलक’ बन्दै गएको छ ।
देउवा नेतृत्वको सरकार गठन गर्दा कांग्रेससहित नेकपा माओवादी केन्द्र, जनता समाजवादी पार्टी, नेकपा एकीकृत समाजवादी र राष्ट्रिय जनमोर्चाले गठबन्धन निर्माण गरेका थिए । अर्थात संसदमा उनीसँग अहिले प्रष्ट बहुमत अर्थात १६५ सांसद साथमा छन् । अहिले जम्माजम्मी ४ ओटा मन्त्रालयको जिम्मा आफ्नै पार्टीका २ नेता र माओवादी केन्द्रका २ नेतालाई देउवाले लगाएका छन् । स्वास्थ्य मन्त्रालयको आधाआधी काम राज्यमन्त्रीपछि एक जना थप गरेर बाँडेका छन् ।
त्यो पनि उनले आफ्नै ‘आर्थिक व्यवस्थापक’ उमेश श्रेष्ठलाई दिएको भनी आलोचना भयो । देउवाले मन्त्रिपरिषद्लाई कहिलेसम्म टुंग्गो लगाउँछन् भन्ने यकिन छैन । उनले गत शुक्रबार सत्ता गठबन्धन दलका शीर्ष नेताहरूसँग मन्त्रीको नाम माग गरेका थिए तर, अहिलेसम्म उनलाई कुनै दलका नेताले मन्त्रीको नाम बुझाएका छैनन् । अझ उपेन्द्र यादवले त राजनीति दलसम्बन्धी अध्यादेश खारेज नभई मन्त्रिपरिषद विस्तार नहुने बताएका छन् । यसअघि एमालबाट विभाजित भएको माधव नेपालको दलले भदौ २३ गतेपछि मन्त्रिपरिषद विस्तार गर्ने भन्दै रोकेर राखेको थियो ।
सत्ता गठबन्धन दलका नेताहरू सरकारमा नआएपनि आफ्नै पार्टीका नेतालाई साथ लिएर मन्त्रिपरिषद् विस्तारको तयारीमा लागेको बताए पनि उनले भनेको जस्तो अवस्था सिर्जना भएको छैन । कांग्रेस भित्रको आन्तरिक विवाद र महाधिवेशनको चटारोले आफै अप्ठेरोमा छन् । अर्कोतिर देउवाले सदनलाई पनि प्रभावकारी रुपमा चलाउनेतिर ध्यान लगाउन सकेका छैनन् । संसदमा प्रमुख प्रतिपक्षी दलका एमालेले गत भदौँ २३ यता निरन्तर सदन अवरुद्ध गर्दै आइरहेको छ । तर, देउवाले यो गाँठो कसरी फुकाउने र संसदलाई जनमुखी ढंगले सञ्चालन गर्ने भन्नेमा कुनै टुंग्गो लागेको छैन । संसद असोज ४ गतेसम्मका लागि स्थगित भएको छ ।
एमालेले सभामुखसँग इगो राखेर सदन अवरुद्ध गर्दै आएको छ । सदन आफैले अन्त्य गर्न सिफारिस गरेको २३ दिनमै सरकारले फेरि आह्वान गर्न लगाएर संसद सञ्चालन गर्न खोजेको देखिन्छ । तर, प्रतिपक्षी दलले उल्टै सभामुखमाथि आरोपित गर्ने काम गर्दै सदन चल्न दिइरहेको छैन । एमाले विभाजन अवैधानिक भएको भन्दै एमाले स्वयम अदालत पुगेको छ । अदालतमा यो मुद्दा विचराधीन अवस्थामा भएपनि एमालले संसद अवरोध गर्न छाडेको छैन । संसद नचलेपछि संसद परिसरमा सञ्चारकर्मीहरुले यसरी कतिन्जेल संसद चल्छ भनेर प्रधानमन्त्रीलाई गरेको प्रश्नको उत्तरमा देउवाले ओलीलाई सोध्नुस भनेर पन्छिएका थिए ।
संसदीय प्रणालीमा सत्तापक्ष र प्रतिपक्षको कल्पना गरिएको भएपनि अहिलेको सरकारले प्रतिपक्षी विनानै संसद अघि बढाउन खोजेको भन्दै एमालले विरोध गरिरहेको छ । राज्यसत्तामा सत्तापक्षको एकाधिकार नहोस् भन्नका लागि प्रतिपक्षीको व्यवस्थामा सरकार वा सत्तापक्षले प्रतिपक्षसँगको संवाद र सहमतिमा जोड दिनुपर्छ । तर, बितेको दुई महिनामा सरकार र प्रतिपक्षबीच एक पटक पनि वार्ता र संवाद भएको छैन । जसले गर्दा संसद्को प्रमुख प्रतिपक्ष एमाले सदनदेखि सडकसम्म आक्रोश पोखिरहेको छ ।
प्रतिपक्षले पटक–पटक सत्तापक्षले संवाद र सहमति नचाहेको बताइरहेका बेला सदन नै चल्न नदिने भन्दै सोही अनुसारको व्यवहार देखाइसकेको छ । तर, पनि सरकारको नेतृत्व गरेका प्रधानमन्त्रीले प्रमुख प्रतिपक्षसँग अहिलेसम्म वार्ता र संवादका लागि थोरै प्रयास पनि गरेका छैनन् । त्यसको प्रभाव संसदमा प्रत्यक्ष परिरहेको छ । सदन नचल्दा कानुन बनाउनुपर्ने दर्जनौँ विधेयकहरू अलपत्र बनेका छन् । त्यतिमात्र होइन अबको दुई दिनपछि सरकारी खर्च समेत रोकिने अवस्था बनेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपल्हासामा नेपाल–चीन सहायता परियोजनाको पहिलो बैठक सम्पन्न
बैशाख १३, २०८१ बिहिबार
सरकारको स्थायित्वबारे चलाइएका हल्ला निराधारः विष्णु पौडेल
बैशाख १३, २०८१ बिहिबार
उपनिर्वाचनको मौन अवधि शुरु, के-के गर्न पाइदैन ?
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
इन्टरपोलबाट रेड नोटिस जारी भएका फरार व्यक्ति युएईबाट पक्राउ
बैशाख १३, २०८१ बिहिबार
कैलालीका विभिन्न ठाउँमा आगलागी, पशुचौपायामा क्षति
बैशाख १३, २०८१ बिहिबार
सत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
निमित्त प्रशासकीय अधिकृतसहित ७ जनाविरुद्ध मुद्धा दायर
बैशाख १३, २०८१ बिहिबार
छैटौँ संस्करणको सगरमाथा म्युजिक अवार्डको आवेदन खुला
बैशाख १३, २०८१ बिहिबार