पछिल्लो २४ घण्टामा १,४७६ जनामा कोरोना पुष्टि

८ असोज, काठमाडौं । नेपालमा पछिल्लो २४ घण्टामा १ हजार ४७६ जनामा कोरोना संक्रमित पुष्टि भएको छ । सो अवधिमा कोरोनाबाट ९ जनाको मृत्यु भएको छ भने १ हजार ५५० जना कोरोनामुक्त भएका छन् ।

स्वास्थ्य मन्त्रालयको अनुसार १ हजार १०३ पीसीआर परीक्षणबाट र ३७३ एन्टिजेन परीक्षणबाट जनाको कोरोना संक्रमण पुष्टि भएको हो ।

२४ घण्टामा १० हजार ५७५ नमुनाको पीसीआर परीक्षण र ५ हजार ११५ एन्टिजेन परीक्षण गरिएको स्वास्थ्य मन्त्रालयले जनाएको छ। जम्मा परीक्षण १५ हजार ६९० गरिएको छ ।

अहिले देशभर सक्रिय संक्रमितको संक्रमितको संख्या २० हजार २८७ छ । हालसम्म ७ लाख ५८ हजार ५०४ जना कोरोनामुक्त भएका छन् । कोरोनाबाट मृत्यु हुनेको कुल संख्या ११ हजार ८१ पुगेको छ ।