कामना सेवा विकास बैंकको सर्वाधिक शेयर खरीदबिक्री

१० असोज, काठमाडौं । आइतबार डेढ बजेको अवधिमा कामना सेवा विकास बैंकको सर्वाधिक शेयर खरीदबिक्री भएको छ ।

कारोबारमा आएका २०८ ओटा कम्पनीमध्ये कामना सेवा विकास बैंकको सर्वाधिक शेयर खरीदविक्री भएको छ । सो अवधिमा कम्पनीको १६ करोड ११ लाख ९१ हजार बराबरको शेयर खरीदविक्री भएको हो ।

यो समाचार तयार पार्दासम्म कम्पनीको शेयरमूल्य प्रतिकित्ता ७०४ मा कारोबार भएको छ । कम्पनीले आकर्षक लाभांश वितरण गर्ने प्रस्ताव गरेसँगै लगानीकर्ताको आकर्षण बढेको हो ।

कम्पनीले गत आवको मुनाफाबाट शेयरधनीलाई १८ दशमलव ५० प्रतिशत बोनस शेयर र कर प्रयोजनको लागि शून्य दशमलव ९७ प्रतिशत नगद लाभांश गरेर कुल १९ दशमलव ४७ प्रतिशत लाभांश वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंकबाट स्वीकृती पाएपछि र कम्पनीको आगामी साधारण सभाबाट पारित भएपछि शेयरधनीले पाउनेछन् ।