मेगा बैंकको शेयरखरिद माग उच्च, यस्तो छ कारण ?

१० असोज, काठमाडौं । साताको पहिलो कारोबार दिन आइतबार मेगा बैंकको शेयरखरिद माग उच्च रहेको छ । यस दिन २ बजेको समयमा बैंकको डेढ नौ लाख बढि कित्ताको खरिद आदेश आएको हो ।

कारोबारको २२ मिनेटको अवधिसम्ममा कम्पनीको ९ लाख २८ हजार ३५६ कित्ता शेयर खरीद माग रहेको छ भने १ लाख ७ हजार कित्ताको विक्री आदेश देखिएको छ ।

यस अवधिसम्म कम्पनीको शेयरमूल्य करिब २ प्रतिशतले बढेर प्रतिकित्ता शेयरमूल्य ३६५ रुपैयाँ रहेको छ । यतिबेला बैंक वित्त कम्पनीले लाभांश घोषणा गरिरहेका छन् । जसअनुसार हाल तीन वाणिज्य बैंकले गतवर्षको मुनाफाबाट शेयरधनीलाई लाभांश घोषणा गरेका छन् भने अन्य वाणिज्य बैंक प्रक्रियामा रहेका छन् ।

मेगा बैंकले पनि लाभांश घोषणा गर्ने तयारीमा छ । बैंकले करिब १२ प्रतिशतसम्म लाभांश घोषणा गर्ने सम्भावना हुँदा बैंकको शेयरमा खरिदकर्ताको भीड लागेको छ ।