विधान महाधिवेशनको सम्मुखमा एमालेभित्र विवाद, स्थायी कमिटी बैठकले निरुपण गर्ने दावी
नेपालबहस संवाददाता
असोज १०, २०७८ सोमबार २:५५:४८
१० असोज, काठमाडौं । विधान महाधिवेशन सम्मुखमा नेकपा एमालेभित्र प्रदेश २ र सुदुरपश्चिममा विवाद शुरु भएको छ । केन्द्रीय कमिटीको बैठक चलिरहेको बेला पार्टी उपाध्यक्ष भीम रावल उठेर हिडेका थिए ।
उनकै कारण सुदुरपश्चिममा विवाद आएको छ भने प्रदेश २ मा स्थायी कमिटी रघुवीर महासेठ र सुदुरपश्चिममा अर्का नेता लेखराज भट्टका कारण विवाद शुरु भयो । उपाध्यक्ष भीम रावल, झपट रावल, भानुभक्त जोशी प्रकाश शाह लगायतका नेताहरुले १० बुँदे कार्यान्वयन नभएको असन्तुटि व्यक्त गरेका छन् भने र प्रदेश २ मा महासेठले आफ्नो पद जाने अवस्था आएको भन्दै असन्तुष्टि व्यक्त गरेका हुन् । आइतबारको केन्द्रीय कमिटी बैठक सकिएपछि ओलीले स्थायी कमिटी बैठक बोलाएका छन् । सोमबार स्थायी कमिटी बैठकले त्यसको निरुपण गर्नेछ ।
जारी केन्द्रीय कमिटी बैठकमा प्रदेश २ बाट समूह छलफलको निष्कर्ष सुनाउने टोली नेता चयन भएका रामचन्द्र मण्डलले जेठ २ अघिकै संरचनामा फर्कनु पर्ने र त्यसमा नेकपाकै निरन्तर हुनुपर्ने जनाएपछि महासेठले असहमति जनाएका थिए ।
स्थायी कमिटी सदस्यलाई केन्द्रीय सदस्यहरुको छलफलमा सहभागी हुने अनुमति नभएपनि पार्टी इन्चार्जको हिसाबले उनले हस्तक्षेप गरेका थिए । ‘१० बुँदे कार्यन्वयनसँगै जेठ २ को एमालेका संरचनाहरु फर्किदा नेकपा एकताका बेला तत्कालीन माओवादीका जिम्मेवारी पनि यथावत हुनुपर्छ’, प्रदेश २ को सुझाव रहेको थियो ।
सो सुझाव जाँदा महासेठको जिम्मेवारी खोसिने निश्चित भएपछि उनले हस्तक्षेप गरेको स्रोतको दावी छ । प्रदेश २ मा प्रभु साहले केन्द्रीय कमिटीको बैठकमा अनुपस्थिति जनाइरहेका बेला महासेठले हस्तक्षेप गरेपछि नेताहरु झन चिढिएका छन् । रामचन्द्र मण्डलले तयार पारेको सुझाव पेश हुँदा महासेठको प्रदेश इन्चार्ज पद रहँदैन थियो । त्यसपछि महासेठले त्यो बुँदा मात्रै हटाएनन रामचन्द्र मण्डललाई बोल्न नदिएर बद्री मैनालीलाई बोल्न दिएका थिए ।
समूहगत छलफलमा प्रदेश २ का केन्द्रीय सदस्यहरुले मण्डललाई टोली नेता र निर्मला देवकोटालाई उपनेता बनाएका थिए । त्यस्तै सरोज यादव र बद्री मैनालीलाई बहस नोटका जिम्मा दिइएको थियो । शुरुमा प्रदेश अध्यक्ष ज्वालाकुमारी शाहलाई टोली नेता बनाउने कुरा उठे पनि रामचन्द्र मण्डललाई बनाइएको थियो ।
ज्वाला र रामचन्द्र दुवैजना माओवादीबाट नेकपा एकता प्रक्रियासँगै एमाले भएका हुन् । प्रभु साहले ज्वालाकुमारी साहलाई प्रदेश अध्यक्ष बनाएको भन्दै असन्तुष्टि जनाएका थिए । प्रभु साह, ज्वालाकुमारी साह, रामचन्द्र मण्डल र टेकवहादुर बलम्पाकी नेकपादेखि नै केन्द्रीय सदस्य छन् ।
उता सुदुरपश्चिममा भानुभक्त जोशीलाई टोली नेता बनाउने तयारी भएपनि कर्ण थापाले आफै टोली नेता बन्न चाहे । प्रदेश अध्यक्ष पनि भएकाले सुदुरपश्चिममा खासै वास्ता गरिएन । तर समूहगत छलफलमा १० बुँदे सहमतिलाई कार्यान्वयन गर्ने विषयमा जोडतोडले कुरा उठाइएको थियो ।
लेखराज भट्टलाई प्रदेश इन्चार्ज बनाएपछि बल्झेको विवाद केन्द्रीय कमिटी बैठकको समूहगत छलफल पनि देखिएको थियो । धेरै समय विवाद भएपछि त्यो विवाद निरुपण गर्ने जिम्मा स्थायी कमिटीलाई छाडेर नेताहरु विधान मस्यौदा र राजनीतिक प्रतिवेदनतर्फ लागेका थिए ।
‘खासगरी १० बुँदे सहमतिकै विषयमा कुरा उठाइएको थियो तर टोली नेताले समूहगत धारणा राख्ने बेलामा त्यसलाई स्थायी कमिटीले नै सुल्झाउनु पर्ने सुझाव दिनुभयो’, सुदुरपश्चिम प्रदेशका एक नेताले भने । उनका अनुसार भानुभक्त जोशी लगायतका नेताहरुले १० बुँदे कार्यान्वयनको विषयमा कुरा उठाएका थिए । प्रकाश शाह लगायतका सांसदहरुले कर्ण थापाले आफूहरुको सुझाव नसमेटिएको गुनासो गरेका थिए ।
विदेश नीतिको बारेमा उनको टिप्पणी रहेको थियो । ओलीको राजनीतिक प्रतिवेदनमा पनि नेताहरुले संसद विघठन गल्ती थियो यसले राजनीतिक रुपमा एमालेको साखलाई गिराएको आरोप लगाएका थिए । ओलीले आफ्नो प्रतिवेदनमा १० बुँदे सहमति गर्नेहरु नै सरकार गिराउन लागि परेका उल्लेख गरेपछि नेताहरुले संसद विघठन र जम्बो केन्द्रीय कमिटी बनाएर पार्टीलाई विवादको भूमरीमा पारेको जनाएका थिए । तर ओलीको प्रतिवेदनमा घनश्याम भूषालको फरक मत रहेको छ ।
अध्यक्ष ओलीले आफ्नो प्रस्तावमाथि उठेका प्रश्नको जवाफ दिइसकेपछि उपमहासचिव समेत रहेका भुसालले आफ्नो ३ बुँदे फरक मत दर्ज गराएका हुन् । अध्यक्षको प्रतिवेदनमाथि भुसालले जवजबारे प्रतिवेदन अस्पष्ट भएको, संसद विघटनबारे पनि प्रस्ट दृष्टिकोण नभएको र समाजवादबारे पार्टी अलमलमा परेको भन्दै फरक मत दर्ज गराए ।
ओलीले आफ्नो प्रतिवेदन र जवाफ मार्फत संसद् विघटनलाई बाध्यताको कदम भनेर प्रस्तुत गरेपछि भुसालले असहमति जनाए । भुसालले जबज भनेको के हो, त्यसको पनि प्रष्ट व्याख्या हुनुपर्ने समेत बताए । भुसाल जबजले अहिलेको कार्यभार पूरा गर्न नसकिने बताउँदै आएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार
मोरङ उद्योग व्यापार संघमा व्यापक गुटबन्दीले विवाद चुलियो
बैशाख ६, २०८१ बिहिबार