सोमबारसम्म कायम लगानीकर्ताले डिप्रोक्सको लाभांश पाउने

११ असोज, काठमाडौं । असोज ११ गतेसम्म कायम लगानीकर्ताले डिप्रोक्स लघुवित्तको लाभांश पाउनेछन् । आज लघुवित्तको लाभांश सुरक्षित गर्ने अन्तिम दिन हो।

लघुवित्तले साधारण सभा तथा लाभांश वितरण प्रयोजनार्थ भोलि अर्थात असोज १२ गतेदेखि बुकक्लोज गर्दैछ। जसकारण बुकक्लोज पहिले लघुवित्तको शेयरखरिदकर्ताले लाभांश पाउनेछन् ।

यस अनुसार आजसम्म नेप्सेमा कारोबार भइ कायम शेयरधनीहरुले लघुवित्तको लाभांश प्राप्त गर्न सक्नेछन्।

लघुवित्तले चुक्ता पूँजीको २० प्रतिशत बोनस शेयर र १.०५३ प्रतिशत नगद लाभांश वितरण गर्ने विशेष प्रस्ताव पारित गर्न असोज २३ गते बिसौँ वार्षिक साधारण सभा डाकेको छ। लघुवित्तले चितवन गार्डेन रिर्सोट, भरतपुर, चितवनमा बिहान ११ बजे सभा डाकेको हो।

यसका साथै, डिप्रोक्स लघुवित्तले नाडेप लघुवित्तलाई प्राप्ति गर्ने कार्य अघि बढाउन नसक्ने भएकोले हालसम्म भएका सम्पूर्ण कार्य अनुमोदन गर्ने, अन्य लघुवित्तसँग मर्जर तथा एक्विजिशन सम्बन्धि कार्य गर्न सञ्चालक समितिलाई अख्तियारी प्रदान गर्ने र संस्थाको समूह ‘ख’ साधारण शेयरधनीहरुमध्येबाट ३ जना सञ्चालकहरुको निर्वाचन गर्ने प्रस्ताव पारित गर्नेछ।