प्रहरीका ६३ जना लेखापालद्धारा ६ वर्षे प्रावधान हटाउन १ कराेड २६ लाख आर्थिक संकलन !
नेपालबहस संवाददाता
असोज १७, २०७८ आइतबार १९:२:१७
१७ असाेज, काठमाडौं । नेपाल प्रहरीका ६३ जना लेखापालहरुले आफू अनुकुलको नीति परिवर्तन गर्न गृहमन्त्री र मन्त्रालयका अधिकारीहरुलाई दबाब दिएका छन् । प्रहरी प्रधान कार्यालयले गत साउन महिनामै सरुवा गर्नुपर्ने लेखापालहरुकाे सरुवा तीन महिनादेखि रोकेर अनुकुल नीति परिवर्तन गराउन दबाब दिएका हुन् । उनीहरुले गृहमन्त्री र उनका नजिकका व्यक्तिहरुलाई आर्थिक प्रलोभन समेत दिइएको स्रोतको दावी छ ।
२०७१ सालमा लेखापालमा गएका ६३ जना नेपाल प्रहरीका नायव निरीक्षक (सई) हरुले ६ वर्षे प्रावधानलाई हटाएर आठ बर्षे बनाउनका लागि ६३ जनाबाट २ लाखको दरले आर्थिक संकलन गरेको समेत स्रोतको दावी छ ।
नेपाल प्रहरीको तल्लो तह (जुनियर अधिकृत) लाई लक्षित गरेर लेखामा प्रहरी नायव निरीक्षक (सई) लाई पठाउने गरिन्छ । उनीहरु प्रहरीका हाकिमसँग पनि नजिकको सम्बन्ध राख्ने र गृहमन्त्रालयका अधिकारीहरुसँग पनि सम्पर्क राखेर लेखापालका लागि ६ बर्षे नीति हटाएर आठ वर्षे बनाउन पहल गरिरहेका छन् । ‘सशस्त्र प्रहरीमा जागिर अवधिभर लेखापाल हुन पाउने तर नेपाल प्रहरीमा भने ६ वर्षमै हट्नु पर्ने भएकाले यसलाई बढाएर आठ बर्ष बनाउनुपर्छ भन्दै लविङ गरिरहेका छन्’, प्रहरी प्रधान कार्यालय स्रोतले भन्यो ।
माथिल्लो तहमा रहेका प्रहरी अधिकृत भन्दा सई तहमा रहेका प्रहरीहरु कार्यक्षेत्रमा धेरै खटिनु पर्ने भएकाले उनीहरुका लागि लेखाको तालिम गराएर लेखा अधिकृत तयार पारी पठाउने गरिन्छ । तर ६३ जनाको स्वार्थी समूहले आफ्नो पालो बढाएर अरुलाई पालो आउनबाट बन्चित गर्न गृहमन्त्रीमार्फत आठ बर्षे प्रावधान बनाउन दबाब दिन थालेको स्रोतको दावी छ । ‘एकजना बराबर दुई लाखको भाग लगाइएको छ, केही दिनमै परिणाम आउनेछ’, त्यसमध्येका एक लेखापालले भने । रकम संकलन गरेर गृहमन्त्री बालकृष्ण खाँडको आफन्तलाई दिने तयारी गरेको स्रोतको दावी छ ।
यसरी रकम संकलन गर्नेमा झापाका केदार सापकोटा, काभ्रेका विष्णु थापा, राजेन्द्र खनाल कपिलवस्तु, नरबहादुर खत्री दाङ, कपिल शर्मा बर्दिया, गणेश थापा रहेका छन् । यी मध्ये विष्णु थापा महानगरीय अपराध महाशाखाबाट सोर्स लगाएर नियमविपरित काभ्रे गएका हुन् । त्यस्तै कपिल शर्मा महानगरीय प्रहरी परिसर काठमाडौबाट बर्दिया गएका हुन् । उनी पनि शक्तिकेन्द्रलाई मनाएर बर्दिया पुगेका हुन् । जो नियम विपरित हो ।
त्यस्तै गणेश थापाले तालिम पनि एक्लै गरेकाे र क वर्गबाट क वर्गकै स्थानमा फड्को मार्ने सई मध्ये एक हुन् । उनीहरुले नै अहिले सबैसँग आर्थिक संकलन गरेर ६ वर्षे प्रावधानलाई आठ बर्षे बनाउन खोजिरहेका छन् । प्रहरीमा एकजना लेखा अधिकृतले ६ वर्ष काम गर्न पाउछ । सरुवाका लागि कार्यालय वर्गिकरण पनि गरिएको छ ।
प्रहरी नियमाबलीमा शुरुमा ‘क’वर्गको कार्यालयमा गएर अन्तिममा ‘ग’ वर्गको कार्यालयमा काम गरी लेखा प्रमुखको जिम्मेवारीबाट पुरानै जिम्मेवारीमा फर्कनुपर्ने प्रावधान रहेको छ । तर नयाँ आर्थिक वर्ष सुरु हुँदै सरुवा हुनुपर्ने लेखा अधिकृतहरु त्यसअघि नै शक्तिकेन्द्र धाउने गर्छन । खासगरी क वर्गको जिल्ला वा कार्यालयबाट क वर्गकै कार्यालयमा जान र सकेसम्म धेरै बजेट भएको जिल्लामा जान उनीहरु खोजिरहेका हुन्छन । त्यसका लागि सबैभन्दा बलियो शक्तिकेन्द्र, राजनीतिक दलको नेता वा गृहमन्त्री र गृहसचिवसम्मको सोर्स लगाउने गरिएको छ ।
गत असार २९ मा नयाँ सरकार परिवर्तन भएपछि प्रहरीका लेखा अधिकृतहरुको सरुवा हुन सकेको छैन । साउनको पहिलो साता नै सरुवा हुनुपर्नेमा आर्थिक रुपमा बलिया रहेका लेखा अधिकृतहरुको चलखेलका कारण सरुवा हुन नसकेको हो । असई दर्जामा २५ जनाले लेखामा नयाँ प्रवेश पाउँछन् । त्यसमा पनि मेरिट निर्धारण गरिएकाे हुन्छ तर शक्तिकेन्द्रको दवाव परेमा मेरिटलाई वेवास्ता गरिन्छ ।
यसबर्ष ६ बर्ष लेखापाल भएर हट्ने लेखापाल ६३ जना रहेका छन भने त्यसमध्ये ५७ जना एकै व्याचका छन् । त्यसैले पनि हट्ने लेखापालहरू अहिले एक भएर मन्त्रीदेखि शक्तिशाली नेता कहाँ पुगेर छ बर्षे प्रावधान हटाउन , समायोजन नहुन्जेलसम्म लेखामा कार्यरत रहिरहन दवाव दिइरहेको भएपनि प्रहरी प्रधान कार्यालयले मानेको छैन । ‘६ वर्षे प्रावधान हट्दैन, सरुवा केही दिन ढिला भएको छ, अब हुन्छ’, प्रधान कार्यालय स्रोतले भन्यो ‘नियमावलीमा केही परिवर्तन गर्नुपर्ने भएकै कारण रोकिएको ।’
लेखामा जान चाहने र आकर्षक ठाउँमा सरुवा हुन चाहनेकै कारण अहिलेसम्म सरुवा हुन नसकेको हो । प्रहरी प्रधान कार्यालय स्रोतका अनुसार बढी बजेट हुने कार्यालयमा जान लेखापालहरूले विभिन्न शक्ति केन्द्रमार्फत दवाव दिन थालेपछि नियमित सरुवामा अवरोध खडा भएको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सिद्धि हाइड्रो कम्पनीको शेयर निष्कासन तथा बिक्री प्रबन्धकमा सिटिजन्स क्यापिटल
चैत १६, २०८० शुक्रबार
अतिथि सत्कार घरबासमा विदेशी पर्यटक बढ्दै
चैत १६, २०८० शुक्रबार
देउडा खेल्दै सर्वसाधारण
चैत १६, २०८० शुक्रबार
उप निर्वाचनलक्षित एजेन्डा पासगर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
धार्मिक पर्यटकीय स्थल बिम गाउँ
चैत १६, २०८० शुक्रबार
बनेपा हाट बजार अवलोकन गर्दै प्रजिअ शर्मा
चैत १६, २०८० शुक्रबार