३० आश्विन २०७८, शनिबार

“बाघ बन्न चाहने बिरालो” प्रकाशित

प्रकाशित मिति :  १८ आश्विन २०७८, सोमबार १५:१०


१८ असोज, काठमाडौं । जेन लिरोई र विरेन्गेरी देलापोर्टको बाल पुस्तक “बाघ बन्न चाहने बिरालो” नेपालीमा प्रकाशित भएको छ । कथालय इन्कद्धारा प्रकाशित यो पुस्तकको नेपाली अनुवाद बिनोद भण्डारीले गरेका छन् ।

पुस्तक पाटे नामक बिरालोमा आधारीत छ, जो बाघ बन्ने सपना देखिरहेको हुन्छ । वास्तवमा पाटे बाघ जस्तो हुन चाहन्छ । तर उसको त्यो सानो बिरालो अनुहारले उसलाई झस्काउँछ । कहिलेकाहीँ पाटेलाई आफ्नो छायाँले मात्र आफु बाघजस्तो छु भन्ने भान गराउँछ।

एक दिन पाटेको मालिकलाई पाटेको व्यवहार अनौठो लाग्छ र मालिक उसलाई चिडियाखाना लैजाने निर्णय गर्छ । त्यहाँ पाटेले बाघ देख्छ । “ओहो ! बाघ हुनु भनेको त गर्जेर चिडियाखाना आउने मानिसलाई तर्साउनु, डराउँदै हेर्ने मान्छेहरुको अगाडि काँचो मासु खानु, यो त मेरो जीवनकै सपना हो।” भनेर सोच्छ ।

बालबालिकामा पुस्तक पढेपछि आफुले सोचेको र चाहेको काम मिहिनेतसाथ गर्यो भने पक्कैपूरा हुनसक्छ भन्ने हौसला दिन्छ । कथालय इन्क द्धारा प्रकाशित यो चित्रकथा ३२ पृष्ठको छ । यस पुस्तकको मुल्य २२५ रुपैँया रहेको छ ।


नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया दिनुहोस !
छुटाउनुभयो कि?
ताजा