दुई प्रदेशको मूख्यमन्त्री दिएर माधव नेपाललाई फकाउने प्रयास
नेपालबहस संवाददाता
असोज २१, २०७८ शुक्रबार २:५६:२७
२१ असोज, काठमाडौं । मन्त्रीपरिषद विस्तारमा असन्तुष्टि प्रकट गर्दै आएको नेकपा एकिकृत समाजवादी पार्टीलाई प्रदेश १ र वाग्मती प्रदेशको मूख्यमन्त्री दिएर फकाउने प्रयास गरिएको छ । मन्त्रीपरिषद विस्तारको क्रममा आकर्षक मन्त्रालय नपाएको भन्दै सो पार्टीका अध्यक्ष माधवकुमार नेपालले असन्तुष्टि जनाएपछि दुई प्रदेशको मूख्यमन्त्री दिने सहमति भएको हो ।
नेकपा एसका प्रचार विभाग प्रमुख जगन्नाथ खतिवडाले प्रदेश १ र वाग्मती प्रदेशको मुख्यमन्त्रीमा सहमति भएको बताए । प्रधानमन्त्री निवास बालुवाटारमा बिहीबार भएको तीन घण्टा लामो बैठकबाट यस्तो सहमति बनेको हो । एकीकृत समाजवादी पार्टीका अध्यक्ष नेपाल पार्टीको स्थायी कमिटी बैठकको बीचमै बालुवाटार पुगेर असन्तुष्टि राखेका थिए ।
उनले संघीय सरकारमा मन्त्रालय बाँडफाँटमा आफूलाई अन्यायमा भन्दै सच्याउन आग्रह गरेका थिए । शूरुमा नेपाल पक्षलाई सञ्चार र भौतिक दुवै मन्त्रालय दिने भनिएपनि अहिले पर्यटन र शहरी मन्त्रालय दिने भएपछि नेपालले असन्तुष्टि जनाएका हुन् ।
पार्टी बैठकमा पनि नेताहरुले मन्त्रालय बाँडफाँट र मन्त्रीको संख्यालाई लिएर असन्तुष्टि जनाएपछि मन्त्रीपरिषद विस्तार हुन सकेको छैन । एकीकृत समाजवादीको असन्तुष्टिकै कारण बिहीबार पनि मन्त्रिपरिषद् विस्तार हुन सकेन । बागमतीमा कांग्रेसका इन्द्र बानियाँले पनि मुख्यमन्त्री दाबी गरेका थिए। एकीकृत समाजवादीले पाउने भएपछि त्यहाँ अब एमालेकी मुख्यमन्त्री अष्टलक्ष्मी शाक्यलाई हटाएर राजेन्द्र पाण्डे मुख्यमन्त्री बन्नेछन् ।
उता प्रदेश १ मा एमालेका भीम आचार्यलाई विस्थापित गरेर समाजवादीकै राजेन्द्र राई मुख्यमन्त्री बन्नेछन् । नेकपा एस पार्टीलाई सुदुरपश्चिम प्रदेशको पनि मन्त्री दिने अनौपचारिक सहमति भएको थियो । तर त्यहाँ भने अहिले मूख्यमन्त्री परिवर्तन नहुने भएको छ । नेकपा एमालेबाट मूख्यमन्त्री हुनकै लागि दीर्घ सोढारी नेकपा एस पार्टीमा प्रवेश गरेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
फिल्म आराधनाको एउटा गीत जो अहिले पनि हिट छ !
बैशाख ७, २०८१ शुक्रबार
इजरायलले सुरु गर्यो इरानमाथि जवाफी आक्रमण
बैशाख ७, २०८१ शुक्रबार
सेमिफाइनलमा युएईले टस जित्यो, नेपालले पहिला ब्याटिङ गर्दै
बैशाख ७, २०८१ शुक्रबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
इरानको पेट्रोलियम पदार्थको निर्यात ६ गुना बढ्यो
बैशाख ७, २०८१ शुक्रबार
आज सुन तोलामा ७ सय रुपैयाँ बढ्यो, चाँदी घट्यो
बैशाख ७, २०८१ शुक्रबार