दुई विकास बैंकको लाभांश घोषणाः कुनको कति ?

२२ असोज, काठमाडौं । हालसम्म नेपाल स्टक एक्सचेञ्जमा सूचीकृत २६ बैंक वित्त कम्पनीले लाभांश घोषणा गरेका छन् । गत आर्थिक वर्षको मुनाफाबाट बैंक वित्त कम्पनीले लाभांश घोषणा गरेका हुन् ।

हालसम्म सात वाणिज्य बैक, दुई विकास बैंक र १६ लघुवित्त कम्पनीले लाभांश घोषणा गरेका छन् । हाल लाभांश घोषणा गरेका दुई विकास बैंकले के कति लाभांश दिदैछन् सोही चर्चा गर्ने छौ । सांग्रिला डेभलपमेन्ट बैंक र कामना सेवाले गत वर्षको मुनाफाबाट आफ्ना शेयरधनीलाई लाभांश वितरण गर्ने जनाएका छन् ।

सांग्रिला डेभलपमेन्ट बैंकले गत आर्थिक वर्षको सञ्चित मुनाफाबाट शेयरधनीहरुलाई हाल कायम चुक्ता पूँजीको १० प्रतिशत बोनस शेयर र सोको कर प्रयोजनार्थ ०.५२ प्रतिशत नगद लाभांश वितरण गर्ने घोषणा गरेको हो। नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ।

कामना सेवा विकास बैंकले हालको लचुक्ता पूँजीको १८.५० प्रतिशत बोनश शेयर र कर प्रयोजनको लागि ०.९७ प्रतिशत नगद गरी कुल १९.४७ प्रतिशत लाभाँश वितरण गर्ने प्रस्ताव गरेको हो।

यी दुई वटै बैंकको प्रस्तावित लाभांश नेपाल राष्ट्र बैंकको स्वीकृति र बैंकको आगामी साधारणसभाले पारित गरेपछि शेयरधनीहरुले पाउनेछन्।