प्रधानमन्त्री देउवाका सहोदर भाइको घरमा चोरी

२९ असोज, काठमाडौं । प्रधानमन्त्री शेरबहादुर देउवाका भाइ भरतबहादुर देउवाको घरमा चोरी भएको छ । धनगढी उपमहानगरपालिका-२ सन्तोशी टोलका स्थानीय भरतबहादुर देउवाको घरमा शुक्रबार दिउँसो दशैँको टीका लगाउन आफन्तकोमा गएका बेला चोरी भएको हो ।

प्रधानमन्त्री देउवाका सहोदर भाइ समेत रहेका भरतको घरबाट चार हजार नगदसहित करीब तीन तोला सुन र तीन तोला चाँदी चोरी भएको छ । घरमा चोरी भएको खबर पाउने बित्तिकै प्रहरी परिचालन गरिएको जिल्ला प्रहरी कार्यालय कैलालीले जनाएको छ ।