दैलेखबाट सुर्खेत आउँदै गरेको माइक्रोबस दुर्घटना, १० जना घाइते

३० असोज, दैलेख । दैलेखबाट सुर्खेत आउँदै गरेको माइक्रोबस वीरेन्द्रनगरको लादेमा दुर्घटना भएको छ । दुर्घटनामा १० जना घाइते भएको प्रारम्भिक जानकारी प्रहरीले दिएको छ ।

कर्णाली प्रदेश ०२–००१ ख ०१६६ नम्बरको एसेम्बल माइक्रोबस लादे नजिक दुर्घटना हुँदा १० जना घाइते भएका हुन् । जिल्ला प्रहरी कार्यालय सुर्खेतका अनुसार घाइतेमध्ये चार जनालाई प्रदेश अस्पताल कालागाउँ, चार जनालाई देउती नर्सिङ होम र एक जनालाई माया नर्सिङ होममा लगिएको छ ।

घाइतेमध्ये केहीको अवस्था गम्भीर रहेको पनि प्रहरीले जनाएको छ । एक जना घाइतेलाई अस्पताल लगिँदै गरेको पनि प्रहरीको भनाइ छ । घटनाबारे थप विवरण आउन बाँकी छ ।