अनुदानस्वरुप अमेरिकाबाट एकलाख मात्रा खोप आउँदै

७ कार्तिक, काठमाडौं । संयुक्त राज्य अमेरिकाले नेपाललाई एकलाख ६२० मात्रा फाइजर खोप अनुदानस्वरुप उपलब्ध गराउने घोषणा गरेको छ । “सम्भवतः उक्त खोप सोमबार नेपाल आइपुग्नेछ”, यहाँस्थित अमेरिकी दूतावासले केहीबरेअघि ट्वीट गर्दै भनेको छ ।

यसअघि गत असारमा पनि अमेरिकाले जन्सन एण्ड जन्सनको १५ लाख तीन हजार मात्रा खोप अनुदानमा नेपाललाई उपलब्ध गराएको थियो ।

अमेरिकाले दिएको उक्त फाइजर खोप नेपालमा १२ वर्षदेखि माथि बालबालिकालाई दिने तयारी भइसकेको छ । कार्तिक २८ गतेबाट फाइजरको खोप दिने जानकारी यसअघि नै स्वास्थ्य तथा जनसंख्या मन्त्रालयले दिइसकेको छ ।

Breaking, Vaccines are here!🇳🇵🇺🇸
अमेरिकी जनताको सहयोगमा नेपालको लागि उपहार दिइएको जोन्सन एन्ड जोन्सन कम्पनीका १,५३४,८५० डोज #COVID19 भ्याक्सीन काठमाडौं आइपुगेका छन्। एकपटक लगाए पुग्ने यो भ्याक्सीन १५ लाख ३४ हजारभन्दा बढी नेपालीलाई पूर्ण मात्रामा लगाउन पर्याप्त हुनेछ। @StateDept pic.twitter.com/RzNWPV0mp2

— U.S. Embassy Nepal (@USEmbassyNepal) July 12, 2021