नेपाल बंगलादेश बैंकले १५.५० प्रतिशत लाभांश प्रस्ताव पारित गर्न आह्वान गर्यो साधारण सभा

१० कार्तिक, काठमाडौं । नेपाल बंगलादेश बैंकले मंसिर २ गते २७ औं वार्षिक साधारण सभा गर्ने भएको छ । सभा बैंकको रजिष्टर्ड, कार्यालय, कमलादी काठमाडौंमा दिउँसो ३ बजेबाट शुरु हुने कम्पनीले जानकारी दिएको छ ।

कोरोना महामारीको जोखिमलाई मध्यनजर गर्दै सभा भर्चुअल माध्यमबाट सम्पन्न गर्ने कम्पनीले जानकारी दिएको छ । कम्पनीको कात्तिक ९ गते बसेको सञ्चालक समितिको बैठकले साधारण सभा गर्ने निर्णय गरेको हो ।

सभाले सञ्चालक समितिले प्रस्ताव गरे बमोजिम हाल कायम चुक्तापूँजीको १२ प्रतिशत बोनस शेयर कर प्रयोजनका लागि ३ दशमलव ५० प्रतिशत नगद लाभांश वितरण गर्ने प्रस्ताव पारित गर्नेछ ।

सभाको अन्य प्रस्तावमा कम्पनीको प्रवन्धपत्र तथा नियमावलीमा संशोधन गर्ने, ४ वर्षे कार्यकालको लागि संस्थापक समूहबाट प्रतिनिधित्व गर्ने ३ जना सञ्चालक र सर्वसाधारण समूहबमट प्रतिनिधित्व गर्ने ३ जना गरी ६ जना सञ्चालकको निर्वाचन गर्ने रहेको छ ।

सभा प्रयोजनका लागि कम्पनीले कात्तिक १५ गते (एक दिन) बुक क्लोज गर्ने भएको छ । बुक क्लोजको आधारमा कात्तिक १४ गतेसम्मका कायम शेयरधनी मात्र सभामा भाग लिन तथा लाभांश प्राप्त गर्न योग्य हुनेछन् ।