हालै लाभांश घोषणा गरेको आईसीएफसी फाइनान्सको सर्वाधिक शेयर खरीद माग

१० कार्तिक, काठमाडौं । हालै लाभांश घोषणा गरेको आईसीएफसी फाइनान्सको शेयर खरिद माग उच्च रहेको छ । साताको चौथो कारोबार दिन बुधवार आईसीएफसी फाइनान्सको शेयर खरीद माग उच्च रहेको छ ।

यस दिन करिब १२ बजेको अवधिमा कम्पनीको शेयरमा १० लाख २५ हजार कित्ता खरिद माग रहेको छ ।

कम्पनीले यस वर्ष गत आर्थिक वर्षको मुनाफाबाट १० प्रतिशत बोनस शेयर र कर प्रयोजनसमेत ४ प्रतिशत नगद लाभांश वितरणको प्रस्ताव गरेको छ ।

केहि दिनदेखि कम्पनीको शेयर खरीद माग उच्च रहँदै आएको छ । बुधवार सर्वाधिक शेयर खरीद माग रहेको उक्त कम्पनीको शेयरमूल्य ८०० कायम भएको छ ।

उक्त अवधिसम्ममा कम्पनीको १० लाख २५ हजार ६८५ कित्ता शेयर खरीद माग रहेको छ भने १६ हजार ८२३ कित्ता शेयर विक्री माग रहेको छ ।