तेह्रथुम पावरको शेयर सूचीकृत कहिले ? कति पाउला ओपनिङ रेञ्ज ?

१० कार्तिक, काठमाडौं । तेह्रथुम पावर कम्पनी आईपीओ बाँडफाँड सम्पन्न भएको छ । कम्पनीले सर्वसाधारण लगानीकर्ताको लागि निष्कासन गरेका आईपीओ दुई साता अघि नै बाँडफाँड गरेको हो ।

कम्पनीको आईपीओ हात पार्ने लगानीकर्ता मध्येनजर गर्दै दोस्रो बजारमा कारोबारको लागि आपनिङ रेञ्ज पाउला ? यसै विषयलाई लिएर आजको रिपोर्ट तयार पारेका छौं ।

नेप्सेले कम्पनीको पहिलो कारोबारका लागि प्रति शेयर न्युनतम ८४ रूपैयाँ ७४ पैसादेखि अधिकतम २५४ रुपैयाँ २२ पैसासम्म ओपनिङ रेञ्ज निर्धारण गर्ने सम्भावना रहेको छ । नेप्सेले हरेक कम्पनीको पहिलो कारोबारको लागि नेटवर्थको तीन गुणासम्म ओपनिङ रेञ्ज तोक्ने गर्दछ । तेह्रथुम पावर कम्पनी लिमिटेडको आर्थिक वर्ष २०७६/७७ को प्रतिसेयर नेटवर्थ ८४ रूपैयाँ ७४ पैसा रहेको छ । सोही नेटवर्थको ३ गुणा २५४ रुपैयाँ २२ पैसा हुन्छ ।

त्यस्तै तेह्रथुम पावर कम्पनीको आईपीओको यसै साता नेप्सेमा सूचीकृत हुने कम्पनीको शेयर रजिष्ट्रार नेपाल बंगलादेश क्यापिटल लिमिटेडले जानकारी दिएको छ । कम्पनीले सूचीकरणको आवेदन नेप्सेमा बुझाइसकेको छ । त्यसैले केही दिनभित्रै शेयर सुचिकृत हुनेछ ।

कम्पनीले भदौ ९ गते, बुधबारबाट भदौ १३ गते, आइतबारसम्म जारी पूँजीको २० प्रतिशत अर्थात् ८ करोड रुपैयाँ बराबरको ८ लाख कित्ता आईपीओ बिक्री खुल्ला गरेको थियो । जसमध्ये ५५ अर्थात् ४० हजार कित्ता म्युचुअल फन्डलाई, २५ अर्थात् १६ हजार कित्ता कर्मचारीहरूलाई सुरक्षित गरी बाँकी ७ लाख ४४ हजार कित्ता सर्वसाधारणलाई छुट्याइएको थियो ।

मागभन्दा धेरै आवेदन परेको हुनाले आईपीओ गोलाप्रथाद्वारा बाँडफाँड गरिएको थियो । जस अनुसार ७४ हजार ४ सय जना आवेदकहरूले १० कित्ताका दरले सेयर हात पारेका थिए ।

बाँकी २२ लाख ८१ हजार ४७ जनाको भने हात खाली भएको थियो । अन्तिम दिनसम्म २३ लाख ५५ हजार ७ सय ४७ जना आवेदकले २ करोड ९३ लाख ७८ हजार ४ सय कित्ताका लागि आवेदन दिएका थिए । जसमध्ये ८ हजार ८ सय २० जनाको आवेदन रद्द भएको छ । बाँकी २३ लाख ४६ हजार ६ सय २७ जनाको आवेदन मात्र योग्य थियो ।